Accessibility links

шимбә, 10 декабрь 2016, Казан вакыты 15:40

Waşington belän Pekiñ xärbi almaşnı arttırırğa kileşte


AQŞ saqlanu ministrı Donald Rumsfeld belän Qıtay saqlanu ministrı Çao Gañ-çuan bügen Pekiñda oçraşıp ike il arasında xärbi almaşnı arttırırğa kileşte. Elegräk Rumsfeld Qıtay xärbi köçläreneñ yäşeren häm tiz räweştä üsenä borçılu beldergän ide. "Qıtay köçläreneñ üsüe başqa illärne nigezle räweştä Qıtaynıñ niätläre turında uylanırğa häm üz ğämällären üzgärtergä mäcbür itä. Bu köçäytüneñ tiz häm bezneñ qaraşıbızça kimendä açıq bulmawı alarnıñ bilgesezlegen arttıra" dide Rumsfeld. Çao Qıtaynıñ üz qorallı köçlärendä andıy üseş öçen finans mömkinlekläre citärlek tügel dide. Rumseld şulay uq Qıtay Strategik Raketa köçläre baş idaräsendä dä buldı. Qıtay räsmiläre Ramsfeld bu binağa ayaq basqan berençe çit il keşese dide. Bu köçlär başlığı general Ciñ Jiyuan Ramsfeldqa Qıtay ber ilne dä hädäf itep kürmi häm atom qoralın berqayçan da berençe bulıp qullanmaw säyäsätenä tuğrılıqlı bulıp qalaçaq dide.

XS
SM
MD
LG