Accessibility links

җомга, 9 декабрь 2016, Казан вакыты 01:14

Ğiraqta ğisyançılar törle höcümnärdä 19 keşene üterde


Bağdad wilayäteneñ 3 saylaw räsmie uzğan şimbädä ütkän konstitutsiä referendumı bülletennären sanağannan soñ eştän öylärenä qaytıp barışlıy atıp üterelde. Başqaladan 50-läp çaqrım könyaqta İskändäriä şähärendä ğisyançılar fabrikada eşläwçe 6 şığıynı tezep bastırıp başqa xezmättäşläreneñ küz aldında atıp üterde. Ğisyançılar Äl-Adil şähäre yanındağı yulda politsiä tikşerü qapqasına höcüm itep 4 politsiä xezmätkären üterde, 11-ne yaraladı. Bağdad häm Kirkük şähärlärendä başqa höcümnärdä 6 keşe ülde, kimendä 3 keşe yaralandı. AQŞ däwlät sekretare Condoleezza Rice AQŞ Ğiraqnı tözekländerergä häm anda ğisyançılarnı bastırırğa yardäm itü öçen xärbi-sivil tözekländerü törkemnäre cibäräçäk dide. Britaniäneñ Guardian gazetı Ğiraqtağı xäbärçeseneñ yuğaluı turındı belderde.

XS
SM
MD
LG