Accessibility links

пәнҗешәмбе, 8 декабрь 2016, Казан вакыты 12:58

“Mäğärif” näşriätında basılğan 15 mln kitapnıñ 14 mln 900 meñe satılğan


Uzğan düşämbedä “Azatlıq” radiosında “Mäğärif ” näşriätında basılıp çıqqan kitaplarnıñ avtorları belän oçraşu ütkärelüe turında tapşıru yañğırağan ide. Radio tıñlawçıbız şul tapşıru buyınça bezgä soraw birde. Xäzer bez sezgä anıñ sorawın işetteräbez:

“Sezneñ tapşıruığızdan işetüemçä, “Mäğärif” näşriäte üzeneñ yubileyın oyıştırğan. Min bik qänäğät, andıy oyıştırular bulıp torsın. Ämma, alarnıñ çığarğan kitapların uquçıları barmı ikän, nindi ölkälärdä uquçıları bar ikän, tapşıruda menä bu problema kütärelmäde.”

Radio tıñlawçıbıznıñ bu sorawın bez “Mäğärif” näşriätı xezmätkärlärenä citkerdek. Häm xäzer bez sezgä alarnıñ cawabın işetteräbez. Mikrofon aldında “Mäğärif” näşriätınıñ redaktorı Roza Raskulova söyli:

Tatarstan respublikasınıñ “Mäğärif” näşriätında basılıp çıqqan 15 mln kitapnıñ 14 mln 900 meñe satılğan. Tatarstannan tış, kitaplarnı törle ölkälärdän satıp aluçılar da bik küp, çönki bezdä bäyälär arzan. İñ küp satıp aluçılar Başqortstanınnan, Perm ölkäsennän, Ulyanovskidan, Tübän Novgorod, Çuwaşstan, Sverdlovskiy, Tömän, Kemerovo ölkälärennän. Moña böten şartlar da tudırılğan: keçkenä bulsa da, kibetebez bar, marketing xezmäte dä bar, bezgä telefon aşa da çığalar, internetta elektron poçtabız bar.

Mälikä Basıyr

XS
SM
MD
LG