Accessibility links

сишәмбе, 6 декабрь 2016, Казан вакыты 22:54

Äfğänstanda Taliban suğışçıları mäyetlären yandıru xäbäre tikşerelä


Äfğänstanda AQŞ soldatlarınıñ ike taliban suğışçısı mäyeten yandıruı turında xäbär itelde. AQŞ xärbiläre monı bik yämsez ğämäl dip bäyäläde. Qabul yanında urnaşqan Bağram hawa bazasındağı xärbi räsmilär bu xäbärne tikşerergä färman birelde dip bedlerä. Awstraliä televideniese Amerikan soldatları mäyetlärne yandıra dip ber videoyazma kürsätkän ide. Kiçä kürsätelgän ul reportajda waqıyğa Kandahardan tönyaqtağı Gönbäz awılı yanında buldı dielä. Yazmada amerikan aksentlı soldatlarnıñ awıl xalqına tawış köçäyteç belän işetterü öçen mısqıllawlar uquı da sürätlänä. Taliban suğışçıları şul awılğa sıyınğan bulğan dip sanal. Äfğän prezidentı Xämit Qarzainıñ süzçese Kärim Räximi xökümät doşman yäki dusnıqı buluına qaramastan mäyetlärgä qarata mondıy xörmätsezlekne kisken ğäyepli dide. Äfğänstannıñ könçığışındağı Xost şähärendä xökümät yaqlı din ähelen ütergän dip şiklänelgän Talibanğa protest belderep meñnärçä keşe uramğa çıqtı. Möxämmät Xan uzğan comğada mäçettä bomba şartlawdan hälak buldı. Anıñ ülemennän soñ xökümät yaqlı tağın ike din ähele atıp üterelde. Alarnı Taliban ğisyançıları ütergän dip isäplänelä.

XS
SM
MD
LG