Accessibility links

сишәмбе, 6 декабрь 2016, Казан вакыты 21:08

Ğäräp Ligası general sekretarı Amr Musa Ğiraq premyer ministrı İbrahim äl Cäğfäri belän oçraştı


Bağdadta oçraşudan soñ Musa xäbärçelärgä söyläşülärdä süz Ğäräp Ligasınıñ Ğiraqta tınıçlıq urnaştırırğa yardäm itüe turında bardı dide. "Min Ğiraqqa Ğäräp Ligası general sekretare bularaq kildem. Miña barlıq ğiraqlı tuğannar belän Ğiraqnıñ kiläçäge turında söyläşü öçen Liganıñ barlıq äğzaları wäkalät birde" dide Musa. Cäğfäri säyäsi protsess inde açıq, anda baatçılar belän terrorçılardan tış härkem qatnaşa ala dide. Bu Musanıñ Ğiraqqa 2003-nçe yılda AQŞ ğäskärläre kerep Säddam Xösäin xakimiäten bärep töşerüennän soñ berençe märtäbä kilüe. 3 könlek älege säfär barışında ul Ğiraqtağı törle etnik häm dini törkemnär arasında tatulıq urnaştıru konferensiäsenä soñğı äzerlek eşläre ütkärer dip kötelä. Konferensiä bu yıl axırına qädär Qahirädä ütkärgä tieş. Musa prezident Cäläl Talabani häm Ğiraq şığıylarınıñ dini citäkçese Ali äs-Sistani belän oçraşırğa cıyına.

XS
SM
MD
LG