Accessibility links

җомга, 9 декабрь 2016, Казан вакыты 10:48

Qırım mäxkamäse Baqı taläbe belän totqarlanğan Azärbäycan oppozitsiäse citäkçese Gulievnı azat itte


Qırım mäxkamäse düşämbe könne Azärbäycannıñ xalıqara möräcäğäte nigezendä Aqmäçettä totqarlanğan Azärbäycan oppozitsiäse citäkçese Räsül Gulievnı azat itte. Guliev Aqmäçettän telefon aşa Azatlıq radiosına "Azärbäycanda repressiälärneñ yaña dulqını başlandı. Xökümät oppozitsiä fetnä äzerli di häm mine ul fetnäneñ citäkçese itep kürsätä. Bez mondıy äkiätlärne inde 1993-nçe yıldan birle işetep kiläbez. Min elekke iqtisad ministrı Färxät Alievnı ber dä belmim häm elekke finans ministrı Fiqrät Yusifov belän berqayçan da oçraşqanım bulmadı" dide. Bügen Azärbäycan xakimiätläre Färxät Alievnıñ Guliev belän bergäläp xökümätkä qarşı fetnä äzerläw ğäyepläwe nigezendä qulğa alınuın rasladı. Räsmilär fetnä turında dälillär bu atnada qulğa alınğan Yusifovtan alındı dide. Çärşämbe könne prezident İlham Aliev bernindi säbäben äytmiçä iqtisad ministrı Färxät Alievnı eşennän aldı. Kiçä prezident idaräse Sälamätlek saqlaw ministrı Ali İnsanovnıñ eşennän alınuın iğaln itte. Älegä raslanmağan xäbärlärgä qarağanda ul da qulğa alınğan.

XS
SM
MD
LG