Accessibility links

шимбә, 3 декабрь 2016, Казан вакыты 05:25

Tatar däwlät humanitar-pedagogiä universitetınıñ Ximayäçelär şurasına çittäge millättäşlärebez dä keräçäk


6-7 sentäberdä Tatarstan Däwlät Şurasında bulıp uzğan komitet utırışında yaña universitetnıñ konsepsiäsen äzerlärgä quşılğan ide. Ul tiz arada eşläp tapşırıldı. Häm bügen anıñ buyınça fiker alışu buldı. Anda deputatlar, konsepsiäne tözüçelär häm universitetnıñ citäkçelege qatnaştı. Berençe bulıp rektor Cämil Nigmätov qatnaşuçılarğa konsepsiä eçtälegen bäyän itte. Fiker alışuda töp soraw bulıp bu universitet kemne äzerlärgä tieş digän soraw quyıldı. Cämil Nigmätov uqu yortı aldında uqıtuçılar ğına tügel, ä tatar, rus häm ingliz telen belgän Tatarstan elitasın äzerläw burıçı tora dip belderde.Bu xaqta komitet räise Razil Väliev

Tellärne öyrätep kenä milli universitet oyıştırıp bulmıy, milli ruxlı, tarixnı belgän yäşlärne tärbiälärgä kiräk.

Konsepsiä nigezendä yuğarı uqu yortı qarşında Ximayäçelär Şurası da oyışaçaq dip wäğdä birde Cämil Nigmätov. Anda Däwlät Şurası deputatları belän berrättän Rusiä häm çit illärdäge tatar oyışmaları citäkçeläre dä kerä alaçaq ikän. Çit töbäktäge tatar oyışmaları citäkçeläreneñ älege şurada buluı bu uqu yortına çittäge kübräk yäşlär kiterügä yärdäm itäçäk dip farazlana.

Şulay uq universitetı citäkçelege tulay toraq häm çittän kilgän qunaqlar öçen Studentlar yortı töziyçäge xaqında da äytte. Älegä “Tatenergo”nıñ elekke binası häm yaña tözelgän Tatarstan uramındağı bina Tatar däwläp gumanitar-pedagogiqa universitetı qaramağına birelmägän ikän.

Mäskäwdä konsepsiäne qarağanda universitet isemendäge Tatar däwlät digän urınına Rusiä Mäğärif ministrlığı Tatarstan dip üzgärtergä täqdim itkänen äytte, Cämil Nigmätov. Ämma respublika citäkçelege monıñ belän kileşmägän. Bilgele bulğança, başqort, çuaş däwlät universitetları bar, ä Tatarstanda barı Qazan dip başlanğan yuğarı uqu yortları ğına barlığı mäğlüm.

Şulay uq utırışta kadrlar mäs’äläsenä dä tuqtalıp uzdılar. Studentlarğa belem birergä berniçä tel belgän kadrlar kiräk. Ä alar citmi. Kiläçäktä çit illärdä yäşäp yatuçı ataqlı ğalimnärne çaqıru da küzdä totıluın da äytte Cämil Nigmätov. Anıñ öçen barı şartlar tudırırğa kiräk.. Universitetta isä “Tatar xalqı mädäniäte häm teleneñ tarixı” digän maxsus kafedra da oyışqan.

Landış Xarrasova.

XS
SM
MD
LG