Accessibility links

якшәмбе, 11 декабрь 2016, Казан вакыты 03:32

Näzif Mirixanov: “Tatar milli xäräkäteneñ ideologiäse bulırğa tieş”


Comğada Qazannıñ “Basket-xoll” sportkompleksında böten respublikadan batırlar cıyıldı. Tatarstannıñ awıl xucalığı häm azıq-tölek ministrlığı bülägenä milli köräş yarışları bıyıl unınçı tapqır ütkärelä. Köräşçelärneñ 99 protsentı - awıl yegetläre. Şunısı üzençälekle, köräştä rayon citäkçeläre dä qatnaşıp, dan qazana ala. Comğa könne yarışlarnıñ saylap alu turları uza, ä şimbädä batırlar ciñü urınnarı öçen bil alışaçaq.

Milli köräş millätne saqlap qaluda, anı üsterügä üz öleşen kertä, älbättä. Ä tatar milläten saqlap qalunıñ töp yulı nidän ğibärät? Bu sorawğa Tatarstannıñ Rusiä Federatsiäsendäge tulı xoquqlı wäkile Näzif Mirixanov “Watanım Tatarstan” gäzitenä birgän äñgämäsendä bolay cawap birä. Sitata: “Bernindi ideologiä kiräkmi disälär dä, bez bit ütkän zamanda tärbiälängän keşelär. Şuña kürä irtägä, kiläçäktä närsä bulasın kürergä, farazlarğa tırışabız. Şunıñ öçen dä tatar milli xäräkäteneñ ideologiäse bulırğa tieş. Äytik, Bötendönya tatar kongressınıñ eşli başlawına un yıldan artıq, ä ideologik dokument haman da qabul itelmägän. Töp maqsatqa - tatarnı saqlap qaluğa xezmät itä torğan häm obyektiv çınbarlıqta bulğan barlıq mömkinlelärne alırğa kiräk. İñ möhime tatar xalqınıñ uzğanı da, kiläçäge dä Rusiä Federatsiäsendä bara torğan xällär häm anıñ kiläçäge belän tığız bäyläneştä ikänen istä totarğa kiräk. Tatarlar bügen assimilyatsiäneñ dürtençe stadiäsendä. Nişliseñ bu fakt. Mondıy surättä xalıq üz-üzen sazlıqtan tartıp çığara almıy. Tatarstan tatarlarnıñ 50 protsentı, Rusiä tatarlarınıñ 70 protsentı tatarça belmi. Monda ğayıplelär yuq. Çönki här buınnan millilek tamçılap çığarıla. Keşe cihanğa ürçü öçen tügel, näselen däwam itärgä tua. Ürçü häm näselne däwam itüne butarğa yaramıy. Tatar bulıp tuğansıñ ikän, sinnän soñ balalar ğına tügel, tatarlar qalırğa tieş. Ägär millätneñ yartısında diärlek passionar energiä yuq ikän, ul inde köçleräk millätlär öçen çimalğa äylänä, dip äytä Mäskäwdä Tatarstannıñ Rusiä Federatsiäsendä tulı xoquqlı wäkile bulğan Nazif Mirixanov.

Al'bina Zäynulla

XS
SM
MD
LG