Accessibility links

дүшәмбе, 5 декабрь 2016, Казан вакыты 03:39

«Tatnet yoldızı 2005» - www.tatar-inform.ru


Tatnetnıñ iğtibar üzägendä bäyge näticäläre buldı. 2 atna buyı bez sezneñ belän tawış birü näticälären küzätep bardıq. İnde xäzer jyuri da üz süzen äytte. Ciñüçelär isemlegen iğlan itte. Şulay itep, internetta eşläwçe iñ yaxşı mäğlümat çarası itep «Tatar-iform» agentlığınıñ internet säxifäse tabıldı. Anıñ tatar telendä eşläwçe säxifäse dä, tatar telendäge nominatsiädä 1nçe urınğa layıq dip tabılğan. Şulay uq, «Kazanskie istorii» digän gäzitneñ internet bite häm Sabantuy gäziteneñ saytı, bäygedä 2nçe urınğa layıq, dip tabılğan. «Tatar radiosı»nıñ internet säxifäse, mäğlümat çaraları arasında- 3nçe urında. Yarışnıñ «Tatar dönyası» digän törendä Tatarica saytı ciñgän. İsegezgä bulsa, tatnetçılarnıñ tawış birüendä dä, bu säxifä iñ küp tawış birgän ide. Piterbur tatarlarınıñ internet säxifäse ikençe urında, qırım-tatarlarınıñ saytında 3nçe urın birelgän. «Tatarstan respublikası» dip atala torğan nominatsiädä, www.autokazan.ru maşinalar, yörtüçelär, avtomobil salonnarı turındağı internet säxifä iñ yaxşı dip tabılğan. İkençe urında www.sotnya.ru, käräzle elemtä turındağı internet sayt häm UNİKS basketboll komandasınıñ saytı da başqalar arasınnan saylap alınğan. «Tatarça Karaoke» populär köylär cıyılmasınnan torğan säxifä, «Şöğel»«Xobbi» digän nominatsiädä 2nçe urın alğan. «Tuğan tel» digän nominatsiädä tatarça-rusça on-line süzlek, berençe urınğa layıq bulğan. Çexiä tatarlarınıñ internet säxifäse – 2nçe, ä öçençe urında internet kibet bara.

Bikä Timerova.

XS
SM
MD
LG