Accessibility links

сишәмбе, 6 декабрь 2016, Казан вакыты 03:45

BMO tikşerüe Xäririneñ üleme öçen Süriä belän Livan räsmilären ğäyepli


BMO tikşerüe Livannıñ elekke premyer ministrı Räfiq Xäririneñ üterelüe tamırların Süriä häm Livan belän bäyläp qarıy. Xäriri uzğan Fevral' ayında Bäyrüttä maşinada şartlatıp üterelgän ide. Pänceşämbe könne iğlan itelgän BMO xisabında anı üterü Süriäneñ iñ yuğarı räsmiläre xuplawı belän häm Livan iminlek xezmätläre qatnaşında başqarılğanğa bik tä oxşağan dielä. Süriä mondıy ğäyepläwlärne kire qaqtı. Mäğlümät ministrı Mähdi Daxi-Alla bu xisap säyäsät belän bäylängän häm ul döres tügel dide. Livan prezidentı Emil Lähüd idaräse dä ğäyepläwlärne kire qaqtı. Quşma Ştatlarnıñ BMOdağı ilçese John bolton Xäririneñ üterelüe turında BMO xisabına İminlek Şurası zur iğtibar birergä tieş dide. "Minemçä bu xisapta Xäririneñ üterelüenä Süriäneñ qatnaşlığı häm Livan xökümäteneñ iñ yuğarı räsmiläre qatnaşuı turında äytelgännärgä bik zur iğtibar birergä kiräk" dide Bolton. Bügen Aq yort xisapta äytelgännärgä tirän borçılu belderde häm bu turıda üzeneñ berektäşläre belän, şulay uq başqa illär belän söyläşergä cıyınuın belderde. Biredä Yewropa komissiäse süzçese Emma Udwin Süriäne Xäriri ülemen tikşerü eşendä xezmättäşlek itärgä çaqırdı.

"Bez moña qarağan barlıq taraflarnı Livan xakimiätläre alıp barğan tikşerüne yaqlarğa çaqırabız. Häm Süriä bu tikşerü eşendä tulısınça xezmättäşlek itmäsä üz mänfäğätlärenä zıyan kiteräçäk" dide Udwin. BMO general sekretare Kofi Annan tikşerü törkemeneñ eşen dikäber urtasına qädär ozayttı.

XS
SM
MD
LG