Accessibility links

шимбә, 3 декабрь 2016, Казан вакыты 14:44

Qarzai Taliban suğışçıları mäyetlären yandıru xäbärenä açu belderde


Äfğän prezidentı Xämit Qarzai Äfğänstandağı Amerikan soldatlarınıñ Taliban suğışçılarınıqı dip şiklänelgän 2 mäyetne yandıruı xäbär itelgännän soñ mondıy ğämälne ğäyepläp çıqtı. Qarzai Äfğänstandağı yuğarı AQŞ generalı Karl Eikenberry miña xäbär itelgän bu insident turında belderde dide. Qarzai äytüençä, ul amerikan yağınıñ tiz arada tikşerü ütkärüen taläp itkän, Äfğän räsmiläre üz tikşerüen başlağan.

"Bez Äfğänstanda xalıqara cämäğätçelekneñ yardämenä bik tä, bik tä räxmätle, bezneñ ilebezne yaqlap alarnıñ soldatlarınıñ qanı tamdı, alar bezgä yullar tözedelär, Äfğänstan öçen bik küp yaxşılıqlar eşlädelär. Ämma şul uq waqıtta bez bu ğämälneñ bik näticäle häm bik tiz tikşerelüen taläp itäbez" dide Qarzai.

Kandahardan tönyaqtağı Gönbäz awılında mäyetlärneñ yandırılu sürätlären çärşämbe könne Awstraliä televideniese kürsätte. Monı AQŞ xärbiläre eşlägän digän ğäyepläw belderelä. Televideniedä bu sürätlärne AQŞ xärbi bülegenä berketelgän Awstraliä fotojurnalistı üktäber başlarında töşergän dielde.

XS
SM
MD
LG