Ğiraqta elekke prezident Säddam Xösäin belän bergä xökem itelüçelärneñ berse, Baat partiäse räsmie Äwät äl-Bandirnıñ advokatı Säddün äc-Cänäbi üterelde.
Ğiraq xökümäte süzçese Läit Kubba xökümät bu üterüne ğäyepli häm älege mäxkamädä qatnaşuçı advokatlarnı saqlaw öçen östämä köçlär birä dide.
Äc-Cänäbineñ tetkälängän mäyete tabılu turında politsiä xäbär itte. Kiçä anı Bağdadtağı öyennän qorallı keşelär törkeme alıp kitkän bulğan. Älegä beräw dä cawaplılıqnı üz östenä almadı.
Şahitlär äytüençä, äc-Cänäbine käçtüm-galstuklı, nıq qorallanğan keşelär alıp kitkän. Alar üzlären Eçke eşlär ministrlığı xezmätkärläre dip tanıtqan.
Ämma bügen Däwlät iminlege kiñäşçese Möwäffäq är-Rubaie mondıy ğäyepläwlär axmaq häm nigezsez dide.
