Accessibility links

шимбә, 10 декабрь 2016, Казан вакыты 15:56

Ufa militsiäsenä däğwalar küp


Ufa şähäre eçke eşlär bülege başlığı Ural Aqquçuqov ta bügen jurnalistlar öçen matbuğat oçraşuı oyıştırdı. Anıñ süzlärençä, bıyıl respublika başqalasında cinayätçelek oçraqları şaqtıy artqan. “Bıltırğı şuşı çor belän çağıştırğanda bıyıl Ufada cinayätçelekneñ 1,2 tapqırğa artuı terkälde, - di Ural Aqquçuqov. – Ufada yäşäwçe 80 meñ keşe bıyıl militsiä orğannarına möräcägät itte. Cämğıse 20 meñnän artıq cinayät terkälgän”. Şul uq waqıtta küp kenä cinayätlärneñ terkälmi qaluın da tanıdı Ural Aqquçuqov. Qayber militsiä xezmätkärläre, ğomumän, xoquq saqlaw oyışmalarında eşläwçelär qaysıberdä kürsätkeçlärne bozmas öçen, tege yäki bu cinayätne terkämi dä qaldıra. “Bıyıl ğına da Ufada menä şundıy ğämälläre öçen 38 militsiä xezmätkäre cinayät cawaplılığına tarttırıldı häm eşlärennän quıldı”, - dip belderde Ural Aqquçuqov. Şulay itep comğa kön Başqortstanda xoquq saqlaw oyışmalarınıñ xisap totu köne buldı disäñ dä yarıy. Militsiägä häm prokuraturağa qarata cämägätçelek tarafınnan rizasızlıqlar artqan ber mäldä üzençä ber cawap räweşendä qabul itelä bu xisaplar.

XS
SM
MD
LG