Accessibility links

якшәмбе, 4 декабрь 2016, Казан вакыты 11:11

Krivorijstal 4 milliard 800 million dollarğa satıldı


Ukrainanıñ iñ ere qorıç berläşmäse bügen auksionda dönyanıñ iñ zur qorıç citeşterü şirkäte bulğan Niderlandağı Mittal berläşmäsenä 4 milliard 800 million dollarğa satıldı.

Ukraina prezidentı Viktor Yuçenko, xökümät, korrupsiägä qarşı köräş häm iqtisadi reformalar turındağı wäğdäsen üti, dip belderde:

"Bügenge bu ğämäl Ukrainanıñ qanun nigezendä ğadel xosusilaştırunı başqarıp çığa aluına dälil. Ukraina däwläte üzen kürsätä aldı. Ukraina niçä yıllıq xosusilaştıru waqıtında cafa çikkäne öçen menä xäzer maqtawğa layıq," dide Yuçenko.

Krivorizhstal şirkäte öçen yarışnı Mittel ciñde. Bäygedä qatnaşuçılar arasında şulay uq Fransiäneñ qorıç gigantı Arcelor citäkçelegendäge İndustrial Group häm Rusiä belän bäyläneştä torğan LLV Smart isemle Ukraina şirkäte bar ide.

Şirkätne satu barışı Ukraina televideniäsendä dä tapşırıldı. Krivorizhstal 2004nçe yılda elekke prezident Leonid Kuçmağa yaqın bulğan ber törkem eşquarlarğa 800 million dollarğa satılğan ide. Yuçenko bu ğämälne – urlaşu dip atadı häm şirkätne auksionğa quyırğa quştı.

XS
SM
MD
LG