Accessibility links

якшәмбе, 4 декабрь 2016, Казан вакыты 09:14

Saparmorat Niyazov ğömerlek prezident bulıp qala


Törkmänstannıñ Halk Mäslahatı, üzebezçä äytsäk – milli mäclese, prezident Saparmorat Niyazovnıñ prezident saylawların 2009nçı yılda uzdıru täqdimen kire qaqtı. 3 meñgä yaqın äğzase bulğan mäcles ğädättä yılına ber tapqır, yäki bik möhim qarar qabul itü kiräk bulsa cıyıla. 1999nçı yılda mäcles Niyazovnı ğömerlek ilbaşı itep sayladı. Milli mäcles utırışında bügen Niyazov üze dä bar ide, häm tawış birüne dä ul üze oyıştırdı:

"Mäsäläne tawışqa quyam, prezident saylawları turındağı qanun ölgesen Milli mäclesneñ 16nçı sessiäse köntärtibennän alunı kem yaqlıy – qul kütäregez. ......İke täqdim bar ide, ikençese mineke. Mäsäläne köntärtibendä qaldırunı kem yaqlıy? Qul kütäregez? Minem belän kem riza? Yuq. yarar, alaysa bez anı alabız."

Uzğan yıl da Milli Mäcles Niyazovnıñ prezident saylawların 2008 yä 2009nçı yılda uzdıru täqdimen kire qaqqan ide. Niyazov, prezident saylawların üzenä 70 yäş tulğançı uzdıru kiräk, dip belderä. Bıyıl fivral ayında aña 65 tuldı.

Saparmorat Niyazov Törkmänstannı sovet çorınnan, 1985nçe yıldan birle citäkli. 1992nçe yılda ul bäysez Törkmänstannıñ prezidentı itep saylanğan ide.

Bügen şulay uq mäcles utırışında Niyazov, 27nçe üktäberdä bilgelänäçäk Bäysezlek köne uñayınnan 8 meñgä yaqın totqınnı irekkä çığaru turında belderde.

XS
SM
MD
LG