Accessibility links

якшәмбе, 4 декабрь 2016, Казан вакыты 15:22

NATO Ukrainağa yärdäm itü yulların ezli


NATO diplomatları bügen Litva başqalasında cıyılıp Ukraina xärbi köçlären zamançalaştıru turında söyläşülär uzdıra. Bu – Ukrainanıñ NATOğa kerüeneñ töp şartı bulıp tora. Ukraina saqlanu ministrı Anatoly Gritsenko da söyläşülärgä qatnaşa. Utırışnı açıp, NATO general sekretare Jaap de Hoop Scheffer, NATO işekläre açıq, dip belderde. Häm Ukrainanıñ NATO äğzase buluınıñ waqıtı – anıñ säyäsi häm xärbi reformalarnıñ tizlegenä bäyle, dip östäde.

AQŞ saqlanu ministrı Donald Rumsfeld, kiçä, Ukraina belän bäyläneşlär turında uñay qaraşta buluın beldergän ide: "NATO-Ukraina xezmättäşlege möhim rol uynıy, häm AQŞ Litva, häm NATOnıñ başqa äğzaläre kebek ük, Ukrainağa reformalarnı tizlätergä yärdäm itergä kiräk, digän fikerdä tora. Monda buluıbız öçen bik şatbız, alğa taba Ukraina belän atnalarça häm aylarça eşliäçägebezgä şatbız," dide Rumsfeld.

Prezident Viktor Yuçenko quyğan iñ berençe maqsatlar – Ukrainanı Yevropa Berlege häm NATO äğzase itü.

XS
SM
MD
LG