Accessibility links

чәршәмбе, 7 декабрь 2016, Казан вакыты 23:17

BMO İminlek Şurası Kosovonıñ daimi statusı turındağı söyläşülärneñ başlauın yaqlıy


Düşämbedä BMO İminlek Şurası Kosovonıñ(daimi) statusın çişü buyınça xalıqara aradaşçılar belän söyläşülär başlaunı rasladı.BMO general sekretarı K.Annan mäxsus ilçene ber atna eçendä bilgeliäçäk. BMO räsmiläre Serbiä töbägeneñ kiläçägen açıqlağan söyläşülär regional totrıqlılıq öçen zarur digän qaraşta .Serbiä premyere Vojislav Kostunica Şurağa här törle söyläşülär Kosovo, Serbie häm Çernogoriäneñ( Qaratau)ber öleşe bularaq qalaçaq digän fiker belän başlanırğa tieş dip belderde

İminlek Şurasınıñ berdäm qararı belän Kosovonın kiläçägen bilgelägän BMO aradaşçılığındağı söyläşülär başlana.Bu söyläşülärneñ qıyın bulaçağı bilgel. Etnik albannar bäysezlektän başqa ber närsägä dä riza bulmayaçaqların här daim belderep kilä.Serbiä premyere isä Kosovo ilneñ ber öleşe bulıp qalaçaq dip basım yasıy.Kosovodağı BMO administratorı Soren-Jessen Petersen jurnalistlarğa:

Altı yıl yarım däwam itkän operatsiädän soñ status söyläşülärenä başlau- tarixi waqıyğä. Bu eş üze tarixi ber eş häm ul Kosovada uñay qarşı alınaçaq dip äytä alam.

Kofi Annan jurnalistlarğa fin diplomatı Martti Ahtisaarinı söyläşülär öçen wäkil bularaq bilgeliäçägen belderde. Şuranıñ qararınnan elek BMO wäkile Kai Eide söyläşülär başlau Kosovo öçen in yaxşı yul digän ide.Ul İminlek Şurasında yasağan çığışında Kosovoda küpçelektäge albannar belän azçılıqtağı serblarnıñ arası ber dä yaxşıdan tügel, köç qullanudan qurqu, xäl qılınmağan milek mäsäläläre qanun tärtipneñ zäğif buluı küp kenä serbneñ kire qaytuın tuqtata dip säyläde. Ämma şulay da Eide Kosovoda status cuonu saqlap qalu wazğiätne tağı da naçarlandıraçaq di.Eide:

Status söyläşülären başlau öçen waqıt citkän dip çın küñeldän ışanam.Ütkän yıldan birle Kosovoda xalıqara tırışlıqlıqnıñ dinamikası belän säyäsi protsess bara.Bu protsessnı özep yäki tuqtatıp bulmıy.Ul körçektän çığıp kötü-ömedkä üzgärde , eşlärneñ yañadan körçekkä tayanuına röxsät itelmäskä tieş.

Eide alban citäkçelärgä status söyläşüläre yanında reformalar däwam itergä tieş dip basım yasıy. Häm Kosovoda xalıqara yuristlar, xakimnär häm politsiä küpläp bulırğa tieş dip azsızıqlıy.Ul yaqlaw bik küp ölkälärdä taläp itelgänlektän anı çittän torıp kontrol itep bulmıy. Kiläçäktäge status protsesına başlau , xalıqara oyışmalar sonğı fazağa tügel ä ikençe basqıçqa ğına küçälär digän süz dip söyli BMO wäkile Kai Eide .

Serbie premyer ministrı Vojislav Kostunice İminlek Şurasın ileneñ suverenlek häm territorial bötenlegenä xörmät itergä çaqırıp kilä.Ul Belgrad kompromisqa nigezlängän söyläşülär belän mäsäläne xäl qılırğa äzer disä dä , söyläşülär Kosovo, Serbie- Qarataunıñ ber öleşe bulıp qalaçaq digän nigezdä başlanırğa tieş dip belderde. Kostunica:

Bez añlap citmibez, min şulayuq çaralarnıñ demokratiägä qarşı häm xalıqara qabul itelgän çiklärne qurqınıç astında qaldırıp qabul iteläçägen bu möxtäräm şura äğzaları da añlap citmi dip ışanam

Kosovoda etnik alban citäkçeläre Belgradtan bäysezlek taläp itä.Ölkänen premyere Bayram Kosumi Kosovo watandaşların yaqlaw öçen qanun qağıydälär tizlektä ğämälgä quyılaçaq dip belderä İminlek Şurasına cibärgän xatında.Reutersğa birgän ängämädä isä Kosumi :

Belgrad Kosovonıñ kiläçäge turında qarar birü xoquqına ber qayçan da iä bulmayaçaq. Belgradtan soralsa ide, Kosovo bügen bulmas ta ide

1999 yılda NATO Serb köçlären bombalağannan birle Kosovo formal räweştä BMO tarafınnan idarä itelä.BMO administratorı Petersen:

Bez hämmäbez dä Belgrad häm Priştinanın Kosovonıñ statusı turındağı pozitsiäläreneñ berbersennän yıraq buluın beläbez.Xalıqara idarä itelgän protsess mäsäläne çişkänçe bu şulay qalaçaq.Ni qädär tizräk xäl qılınsa Kosova watandaşları häm täbäk öçen yaxşıraq bulaçaq

İminlek Şurasında utırğan AQŞ häm könbatış Yevropa illäre Kosovonıñ statusı turındağı söyläşülärne yıl azağında başlau yağında tora färidä xämit
XS
SM
MD
LG