Accessibility links

шимбә, 3 декабрь 2016, Казан вакыты 12:51

Vitaly Kaloev mäxkämä aldına bastı


2002nçe yılnıñ cäyendä Germaniä hawa kiñleklärendä oçqıçlar bäreleşüe näticäsendä ğailäsen yuğaltqan, soñınnan ul tönne hawa xäräkäten kontrol itkän dispetçernı üterüdä ğäyeplängän Tönyaq Ossetiälı Vitaly Kaloev bügen Şveysariädä mäxkämä aldına bastı. 3 yıl elek 2nçe yüldä Başqortstan hawa yullarınıñ Tu-154 häm yök taşuçı DHL şirkäteneñ Boeing-757 oçqıçları bäreleşte. Faciğadä 71 keşe häläk buldı. 69 keşe – Rusiädän ide, alarnıñ kübese, balalar İspaniägä yalğa yul totqan ide.

Ul tönne kizü torğan berdän ber keşe Skyguide belgeçe Peter Nielson uzğan yıl 25 fivral könne üz öye yanında üterelgän ide.

Kaloev Nielsonnı üç alu maqsatı belän üterüdä ğäyeplänä. Bügen mäxkämä utırışında Tönyaq Ossetiä prezidentı Taimuraz Mamsurov ta qatnaşa, ul xökem protsessınıñ ğadel buluına ömet belderde:

"Ğadellek häm tarafsızlıq bulır dip ışanası kilä. Başta bulğan ber yaqlılıq betkänder dip ışanam. Alar Vitalynıñ nindi keşe bulğanın kürde, tikşerülär uzdırdı, anıñ bu ğämälne ni öçen qılğanın açıqlarğa tırıştı. Bügen barısınıñ da ğädel bulaçağına şik yuq," dide Tönyaq Ossetiä citäkçese.

Ägär Kaloev ğäyeple dip tabılsa, aña 20 yılğa qadär törmä yanıy.

XS
SM
MD
LG