Accessibility links

Кайнар хәбәр

BMO: AQŞ belän Fransiä Hariri turındağı xisaptan soñ Süriägä çikläwlär kertüne kiräk kürä


Bilgele bulğança BMO eleke Livan premyere Rafik Haririnıñ üterelü eşen tikşerep üz xisabın äzerläde.İminlek Şurasınıñ daimi äğzaları AQŞ belän Fransiä ägär dä Süriä xökümäte Haririnı üterü eşenä qatnaşuda şiklänelgän räsmilären qulğa almasa, Damaskqa sanksiälär quyu belän yanıy.Şuşı kisätü BMO tikşerüçese Detlev Mehlisnıñ İminlek Şurasında Süriä xezmättäşlek itmi dip belderüennän soñ berniçä säğät ütkäç yasaldı.Damask üterü eşenä qatnaşuın kire qağıp,ğayepläwlär säyäsi mäqsatlı dip belderä.

AQŞnıñ BMOdağı ilçese John Bolton ber dä komromis ruxında tügel digän täsir qaldırdı.Bolton sişämbedä İminlek Şurasında:

Bez İminlek Şurasınnan säyäsätne blokadalau tuqtatılırğa häm tikşerü eşendä nigezle xezmättäşlek itärgä tieş dip Süriä xökümätenä köçle işarä cibärergä telibez.Bez şaxitlär belän söyläşü mömkinçelege häm bu turıda dokumentlar telibez. Bez xezmättäşlek itäbez dip kürsätü tügel ä çın xezmättäşlek telibez.

Bolton häm anıñ fransiäle kollegası Jean Marc dela Sabliere Süriä monıñ belän kileşmäsä nindi näticälär bulaçağına işarä ittelär.AQŞ belän Fransiä damask Hariri mäsäläsendä xezmättäşlek itmägän xäldä sanksiälär belän yañağan rezolutsiä ölgese tarattılar.Şuşı proyekt BMO tikşerüçese Detlev Mehlis İminlek Şurasında üzeneñ 54 bitlek xisabı turında söylägännän soñ berniçä säğät eçendä taratıldı.Hariri häm 20 keşeneñ üterelüe turındağı BMO xisabı berençe märtäbä 21 üktäberdä tağdim itelgän ide.Cıyında Mehlis Süriäne tikşerüçelär belän eşberlege itmäwdä ğäyeplägän ide.Ul ber misal kiterep, Damasktağı räsmilär Harririneñ üleme belän bäyleneşle bernindi qatırğıları bulmawın äytte,min moña ışanmim dide.

''Komissiä nişlesen,min qaya buluın da belmägän dokumentlarnı qarau öçen 500 tikşerüçe cibärä almim , alar yuq ta.Bez Süriä xakimiätläreneñ reaksiä kürsätüen genä tügel ä mäsäläne qarau , tikşerüen kötäbez'' di tikşerüçe Mehlis

Mehlisneñ 30 tikşerüçedän torğan törkeme 4 ay buyı eşläde, 400dän artıq şaxit häm şiklänelgän keşe tıñlandı,10meñnnärçä dokument qaraldı.Ämma Mehlis Damask bernindi iqtibar kürsätmäde şunlıqtan Süriä räsmiläre misal öçen xärbi küzläw idaräse başlığı Rustum Gazali Haririnin ülemendä nindi rol uynadı ,äle dä qarar birü mökin tügel dip äytte.

''Ni öçen Rustam Gazali kebek beräw Hariri belän duslarça şäxsi mösäbätläre buluın bezgä äytä. Xälbuki bez tikşerülär waqıtnda yazılğan telefon söyläşüendä anıñ premyer ministır Haririne et dip atağanın beläbez.Bu ber dä kileşmi.Minemçä Süriä xakimiätläreneñ östämä tırışlıq kürsätüe yaxşı idea bulır ide''dip äytä BMO tikşerüçese

Mehlis Komissiä Süriä prezidentı Başar Assad yäki başqa räsmilär belän ängämä ütkäräçäkme bilgele tügel, alar belän söyläşüneñ ber faydası da yuq, açu ğına kiterä dip söyli

Süriä, Mehlis häm tikşerüçelär kilgän näticälärne kire qağıp, xisab yaqın könçığış şulsanda Ğäräb-İzrael konfliktında Süriäneñ rolen yuqqa çığaru öçen zurıraq tırışlıq bulıp tora digän qaraşta. Britaniädäge Süriä ilçese Sami Xiyami xisab cinayätkä 3 yaqnıñ qatnaşu ixtimalenä urın birmägän kebek dälillär dä nigezle tügel dip belderde.

''Xisabta andıy cinayät Livanda torğan Süriä iminlek köçläre belmi torıp bula almıy dip yazılğan . Bu inde AQŞ köçläre belä torıp 11 sintäber waqığäläre buldı dip äytü belän ber yk närsä'' dip söyli Britaniädäge Süriä ilçese Xiyami färidä xämit
XS
SM
MD
LG