Accessibility links

дүшәмбе, 5 декабрь 2016, Казан вакыты 17:47

Ändican mäxkämäse tämamlana


May ayında Üzbäkstannıñ könçığışındağı Ändican şähärendä xalıq kütäreleşen oyıştıruda ğäyeplängän 15 keşe östennän xökem eşeneñ soñğı öleşe başlandı, utırışlar kiläse atnada tämamlanır dip farazlana. Räsmi sannarğa qarağanda fetnädä 187 keşe, küpçelege – islam suğışçıları häläk bulğan, ämma xoquq oyışmaları bu san küpkä yuğarıraq, häm ülüçelärneñ kübese – tınıç xalıq ide, dip belderä. Prokurorlar, xalıq ber berenä ut açqan, di. Ämma Şahidä Mahbuba Zokirova bu räsmi mäğlümatne kire qağıp, ğäskärlärneñ xalıqqa atqanı turında tanıqlıq itte. Totqınnıñ 15se dä üzlärenä belderelgän ğäyepläwlärne – tıyılğan İslam oyışması äğzase bulu, terror häm üterüne tanıdı. Üzbäkstanda bolar öçen ülem cäzası yanıy. Frans Press mäğlümat agentlığı xäbär itüençä, prokurorlar ğäyeplänüçelärgä 15tän alıp 20 yılğa qadär törmä bilgeläwne sorağan. Üzbäk räsmiläre süzlärenä qarağanda, Ändicandağı waqiğälär belän bäyle 100gä yaqın keşe qulğa alınğan.

XS
SM
MD
LG