Biredä bügen Şanxai Xezmättäşlek Oyışmasınıñ ike könlek oçraşuı açıldı. Rusiä prezidentı Vladimir Putin üz çığışında, oyışmanıñ täsire arta bara, dip bilgeläde: "Şanxai Xezmättäşlek Oyışması häm küzätüçe illärneñ ğömüm xalıq sanı 3 milliardtan artıq. Häm bu illär başlıqları, xökümät citäkçeläre – cir şarındağı küpçelek xalıqnıñ yäşäyeşenä, sotsial häm iqtisadi torışına täsir iterlek qararlar qabul itä," dide Putin. Qıtay, Rusiä, Qazaxstan, Qırğızstan, Taciqtsan häm Üzbäkstan oyışmada äğza bulıp tora. Hindstan, İran, Mongoliä häm Paqstan utırışlarğa üz küzätüçelären cibärä. Rusiä premyer-ministrı Mixail Fradkov, oyışmanıñ maqsatlarınıñ berse – äğza illär arasında säwdä häm iqtisadi xezmättäşlekne kiñäytü, dip belderde. Bügen Putin şulay uq Qıtay premyerı Wen Jiabao belän oçraşıp, ike il arasında üsä barğan iqtisadi bäyläneşlärne xupladı.
