Accessibility links

шимбә, 10 декабрь 2016, Казан вакыты 13:54

Bäräñgegä häykäl xalıq küñelendä quyılğan


“Tatarstan yäşläre” gazetası yuq qına äyberdän dä mögez çığara belä. Üzeneñ uquçıları arasında yış qına törle konkurslar ütkärep kilä. Bu añlaşıla da – bügen tatar telendä çığuçı gazetalar sanı bik küp, uquçını cälep itär öçen ällä nindi qızıqtıruğa barırsıñ. Tik “Tatarstan yäşläre” qupşı büläklär belän şaqqattırmıy.

Tatar xalqı üzeneñ tormışın bäräñgedän başqa küz aldına da kiterä almıydır. Yuqqa ğına anı ikençe ikmäk dip yörtmibez bit. Äle bit küplärneñ ğömere awılda yaz, cäy, köz ayları şul bäräñge baqçasında qazınıp ütä. Şunı istä totıp, “Tatarstan yäşläre” gazetası “Bäräñgegä häykäl” digän bäyge iğlan itep, ciñüçelärgä “Tatarstan qırı” fänni berläşmäseneñ üzägendä üsterelgän yaxşı sortlı çäçülek bäräñge birergä wäğdä itkän ide.

Ber ay däwamında bäräñge belän bäyle qızıqlı, istälekle, mäğnäle, ğibrätle xällär, ğomumän bäräñge belän bäyle, yäki aña qatnaşı bulğan yazmalar gäzit bitlärendä daimi basılıp kilde.

Pänceşämbe könne ciñüçelärneñ isemlege bilgele buldı. Berençe urınnı ayulağan Aznaqay şähärennän Älfinur Ğaliewa 3 qapçıq, 2 urınğa Ägercedän Läysän Borhaniewa 2 qapçıq häm 3 urın alğan Ätnä rayonınnan Kadriä Zaripova 1 qapçıq bäräñge belän büläklänäçäklär.

Baqsañ, bäräñge tatar xalqı öçen ğadi rizıq qına tügel ikän, aña keşelär tormışındağı qızıqlı, ğibrätle xällär dä, xätta yazmışlar da, küñelgä señep qalğan qızıqlı xatirälär dä bäyle. Bu süzlärne redaksiägä işelep kilgän yözlärçä xat dälilli. Bäräñgegä häykäl xalıq küñelendä inde quyılğan , bälki aña başqalabız Qazan üzägendä çın häykäl torğızırğa da waqıt citkänder?

Gölnaz Şäyxetdinova

XS
SM
MD
LG