Accessibility links

пәнҗешәмбе, 8 декабрь 2016, Казан вакыты 03:17

“Yäşlär tuqtalışına” – 5 yäş!!!


Säğät tuğız tulğaç klubnıñ işekläre açıldı häm yegetlär-qızlar bersen-berse etä-törtä işekkä ırğılalar. Ä işektä saq xezmäte alarnı berämläp, baştan-ayaq tikşerä, sirat küperen ütü belän ber diärseñ. Mondıy eteş-törteş “Piramida”da ütkän här tatar diskätügendä küzätelä. Ä bu waqıtta klubnıñ eçendä “Yäşlär tuqtalışı”nıñ redaktorı Aysılu Leron bäyrämne başlıy. - Qızlar, söenegez! Yegetlär köenegez! Cırlıy Bulat Cihanşin!!! Älege çaranı cır, biyu, konkurslar, büläklär häm bäyräm tortı tağın da yaltırawıq itte. Cıyılğan xalıqnı di-djeylar Nur Aliev, Mars El' sikertep biettelär dip äytep bula, tik sikerep biyuçelär genä bulmadı. Ällä ramazan ayı bulğanğamı, “Piramida”nıñ kafesında da alkogol' eçemleklärgä qarağanda ciläk-cimeş soqların aldılar. Başqa waqıtta kirese bula ide. “Yäşlär tuqtalışı“nıñ alıp baruçıları: Aysılu, Al'bina, Marsel', İl'şat, Läysän, Sömbel televizor qarawçılarğa inde berniçä yıl tanış bulsalar, bıyıl kollektivnı tağın tulılandırğannar. Älbättä, alarnıñ barsında biş şämle tort yaqtısında kürep beterep bulmadı bulın. Läkin alar Qazanda urıslaşıp baruçı tatar yäşlärenä küñel açıp qaytırğa diskätük yasıy aldılar. Başqalada “Bars Media” oyıştırğan tatar diskätükläre berdänber. Bu mäşäqätle eşkä nişläpter başqalarnıñ alınası kilmi. Alay disäk kiläse atnağa “Tatar radiosi” di-djee Zölfät Zinnurov “Küñel” tatar diskätügen açarğa cıyına. Äyterä kiräk, Zölfättä qayçandır “Yäşlär tuqtalışı”nda çınığu alırğa ölgerä. Röstäm İsxaqi.

XS
SM
MD
LG