Moldova xökümäte, 2003nçe yılda tuqtatılğan Dnestr buyı söyläşüläre yañartıldı, dip xäbär itte. Berençe tapqır bu söyläşülärdä aradaşçı bularaq Yevropa Berlege häm Amerika Quşma Ştatları wäkilläre qatnaşa. Şulay uq bu oçraşuda Moldova, Dnestr buyı töbäge, Rusiä, Ukraina, Yevropada İminlek häm Xezmättäşlek Oyışması qatnaşa. Dnestr buyı 1990nçı yılda bäysezlek iğlan itep Moldovadan ayırılıp çığuın belderde. İke yıl uzğaç bulğan qorallı nizaqta meñ yarımnan artıq keşe häläk buldı.
