Bügen Qırğızstan başqalasında premyer-ministr Feliks Kulovnı yaqlap meñ yarımğa yaqın keşe cıyıldı. Atna buyı biredä Kulovnı urınınnan kitüen taläp itkän cıyınnar uzğan ide. Bügen çığuçılar qullarına "xalıq Kulovnı yaqlıy", "watandaşlar suğışın buldırmıyq" digän şiğärlär totqan ide. Şulay uq prezident Qormanbäk Bakievqa qarata täñqit buldı. Xökümättän bäysez oyışma başlığı Aziza Abdırasulova, Bakievnı Kulov belän tarafdarlar bulıp qalu-qalmawın açıqlarğa çaqırdı: "Bez monda cıyılğannar, häm yözlägän meñlek Qırğızstan xalqı prezident saylawlarında Feliks Kulov häm Bakiev berlegen yaqladıq. Saylawlardan soñ ike-öç ay waqıt uzdı, häm prezident Bakiev, berlekneñ haman da köçtä bulu-bulmawı turında ber süz dä äytmi," dide Abdırasulova. Kulovqa qarşı uram cıyınnarı, alarnı oyıştıruçılar belän prezident Bakiev oçraşqannan soñ tämamlandı.
