Accessibility links

Кайнар хәбәр

Äfganstan: saylaw näticälären iğlan itü xärämläşü şiqäyätläre säbäple kiçekte


Sintäber ayında Äfganstanda ütkän parlament saylawlarınıñ näticälären iğlan itü,xärämläşülär turındağı şiqäyätlär säbäple kiçekte. Äfgan häm BMO räsmilärennän torğan urtaq saylaw komissiäse süzçese 500 läp şiqäyät äle dä tikşerelä alar qayber töbäklärdä näticägä täsir itä ala dip belderä. Şiqäyälär, namzätlärneñ saylaw könendä xärämläşüennän alıp, saylawçılarnı kisätü, urnalarnı tutıru häm şikle sanau prosedurasına qädär bik törle.

Äfganstanda ütkän parlament saylawlarınıñ näticäläre başta 22 Üktäberdä iğlan itelergä tieş ide. Qayber töbäklärdä bülletännärne sanau aqrın barğanlıqtan bu waqıt 1 noyäbergä küçerelde. Äfgan häm BMO räsmilärennän torğan urtaq saylaw komissiäse süzçese Sultan Axmäd Baheen xärämläşülär turındağı şiqäyätlär säbäple bu kön ber märtäbä tağı kiçeketerelep in irtä atna azağı bulır dip uylıy. Baheen:

Komissiä 500çaması şiqäyät saylaw näticäsenä täsir itä ala dip iğlan itte.Alar tikşerelergä häm isemlek turında qarar qılınırğa tieş dip äytä süzçe.

18sintäberdä parlament häm cirle şuralarğa ütkän saylawlar distä yıllardan soñ Äfganstanda ütkärelgän berençe saylawlar bulıp tora.Şunnan soñ urtaq saylaw komissiäsenä 2300läp şiqäyät belderelgän.Yözlärçä namzät zur şähärlär şulsanda Qabulda xärämläşü häm saylawlar waqıtındağı tärtipsezleklärgä protest belderde.Näticälärne iğlan itü kiçektereläçäk digän sonğı belderü waqıtında saylaw komissiäse xärämläşü bälkim dä näticälärgä täsir itäçäk qädär möhim dip berençe märtäbä äytte. Ütkändä saylaw komissiäse kiñ taralğan xärämläşülär bar, ämma alar saylawlarnıñ ışanıçlığına zian kitermi dip belderä ide. Urtaq Saylaw Komissiäsendä xalıqara media wäkile Aleem Siddique bu ay başlarında komissiä Äfganstannıñ törle urınnarında tawış birü puktlarındağı tärtipsezleklär säbäple urnalarnıñ 4% karantinağa quydı, saylawlarnıñ döreslek, bötenlegn saqlap qalu, barlıq şiqäyätlärne tikşerep betergänçe näticälärne iğlan itü kiçekterelergä tieş di. Siddique süzlärençä,

Bolar ayırm urınnarda bulğan insidentlar, il külämendä xärämläşülär buldı dip äytü öçen dälillär yuq .Näticälärne iğlan itkänçe barlıq tikşerülär tämamlanırğa tieş

Ramazan bäyrämeneñ arağa kerüe dä näticälärne iğlan itüne kiçekterä ala.Äfgannar bäyrämne çärşämbeme, atnakiçme qotlı başlarlar bu alarnıñ yaña aynı kürüennän bäyle bulaçaq dip belderde yuğarı dini komissiä.Saylaw komissiese süzçese Baheen:

Küp kenä töböklärdä näticälär sişämbe könne iğlan iteler , Qalğannarı isän bäyrämnän soñ dip äytte komissiä süzçese

Üktäber başlarında iğlan itelgän berençe näticälär 249 urınlı parlamentqa saylanğan unnarça namzätneñ cirle suğış komandirı yäki suğışçan törkem citäkçeläre buluın kürsätte. färidä xämit
XS
SM
MD
LG