Accessibility links

якшәмбе, 4 декабрь 2016, Казан вакыты 09:08

“Yaña ğasır”da “Saba dulqınnarı”


- Bezneñ bit rayondağı televidenielärne “Yaña ğasır” şirkätenä kertep, regional' bülekçälär tözü planı bar ide. Belmim, ul plan tormışqa aşıp beterme, ansın min sezgä äytä almıym. Menä şul plannı tormışqa aşıra başlaw bula inde bu. Bu “Saba dulqınnarı” teleradiokompaniäseneñ citäkçese Кamil Xisamiev buldı. Äye, çınnan da, “Yaña ğasır” kanalına Aqtanış, Leninogorsk telekanalları regional' televidenie bulıp kersälär, alarğa Saba rayonı teleradiokomniäse dä quşıldı. TV da regional' sistema närsä soñ ul? Кamil Xisamiev bolay añlata: - Bu, “Yaña ğasır” bezgä täqdim itkän maxsus waqıt bula inde. Ayırım rayon telekanalın kiñ masştablarğa kürsätü küp çığımnar sorıy, şuña da “Yaña ğasır” teleradiokompaniäse belän kileşü tözep bu qıyınlıqtan çığu yulı tabıldı. “Saba dulqınnarı” telekanalın “Yaña ğasır” aşa kürşe rayonnar da kürergä ölgergännär inde. Bu xaqta bezgä Кamil Xisamiev menä närsä dide: - Saba, Teläçe, Arça, Quqmara, Baltaç rayonnarı kürgännär inde. Şulay uq, Sabağa yaqın bulğan Mamadış rayonı awılları da kürergä tieş. Bu tapşırularda televizor qarawçılar närsä kürä ala soñ ? Mäğlümäti çığarılışlar, “Cırım büläk” tapşıruı. Annan maxsus tematik tapşırular. Ğomumi waqıt ber säğät. Saba rayonınıñ internet säxifäsendä “Saba dulqınnarı”nıñ “Yaña ğasır”nıñ ekrannarına çığu waqıtı här şimbä säğät altıdan cidegä qädär dielgän. Elek Arça, Baltaç, Teläçe, Quqmara xalqı “Yaña ğasır” aşa şimbä kiçendä Qazan äzerlägän tapşırularnı qarasa xäzer isä “Saba dulqınnarı”n qarayaçaq. Röstäm İsxaqi

XS
SM
MD
LG