Accessibility links

чәршәмбе, 7 декабрь 2016, Казан вакыты 01:00

AQŞ Yuğarı mäxkamäse baş xäkime wazıyfasına Sam Alito täqdim itelde


AQŞ prezidentı George Bush xäkim Sam Alitonı Yuğarı Mäxkamägä xäkim itep täqdim itte. 15 yıl Filadelfia şähärendä federal apelyatsion mäxkamädä eşlägän Aliton konservativlar rätendä sanala. Bush Aliton turında "Yustitsiä departamentı räsmie, federal' prokuror, AQŞnıñ apelyatsion mäxkamäse xäkime bularaq Sam Alito qanunnarnı kamil belüen, yustitsiä eşenä nıqlı birelgän häm ğäcäyep xarakterlı keşe buluın kürsätte" dide. Ägär AQŞ Senatı raslasa, Alito yuğarı xäkim wazıyfasınnan kitüçe Sandra Day O'connornı almaştıraçaq. Bushnıñ bu wazıyfağa elegräk täqdim itkän namzäte Harriet Miers respublikannar yağınnan da, demokratlar tarafınnan da tänqitlärdän soñ üz namzäten kire aldı.

XS
SM
MD
LG