Hindstan premyer ministrı Manmohan Singh uzğan şimbädä Dählidä 60-tan artıq keşeneñ ğömeren özgän 3 şartlawnıñ çit il belän bäyläneşe buluın kürsätüçe işarälär bar dip belderde.
Ämma ul nindi çit il bäyläneşläre buluın atap äytmäde.
Aña qädär Singh Paqstan prezidentı Pärwäz Möşärräf belän telefon aşa Paqstannañ terrorğa qarşı köräş turında wäğdäsen ütäräg tieşlege turında söyläşte.
Möşärräf aña qayğı uqtaqlaşu öçen şaltıratqan ide.
Şimbä şartlawlarınnan soñ Hindstanda iminlek çaraları haman da arttırılğan kileş qala.
Şartlawlar öçen cawaplılıqnı Kaşmirdağı moñarçı bik mäğlüm bulmağan ber suğışçan törkem üz östenä aldı.
