Accessibility links

шимбә, 10 декабрь 2016, Казан вакыты 13:43

Başqortstan däwlät TVsendä rişwät cäncalı


Bu turıda internetnıñ “Ufaweb” säxifäse ireşterde. Aña qarağanda, Sergey Wolqov atlı operator üzlären tänqitlägän yazma efirğa çıqmasın öçen “Swoy dom” isemle qullanu qooperatiwı citäkçelegennän 100 000 sum aqça sorağan. Qooperativ citäkçelege iminlek xezmätenä möräcägät itkännän soñ aları bilge quyılğan aqça birgän. Operator Aleksandr Meşqov şul aqça belän qulğa alınğan. Ul bu aqçanı xäbärlär proğramması räise urınbasarı Alik Allayarov häm Başqortstan däwlät telerädioqompaniäseneñ generäl direktorı Rämis Däwlätbayıvlar belän dä büleşergä tieşlegen beldergän. Ul şulay uq Başqortstan telewideniesendä monıñ berençe oçraq bulmawın da äytkän. Älege eş buyınça tikşerülär däwam itä. Başqortstanda bügenge köndä 25 skinxed bar. Bu xaqta respubliknıñ eçke eşlär ministrı Rafail Diwayıv belderde. Skinxedlar tarafınnan Ufa neft texnik uniwersitetı studentı tuqmalğan ide. Bu eş yaqın arada tikşerelep betep, mäxkämägä tapşırılaçaq.

XS
SM
MD
LG