Accessibility links

Кайнар хәбәр

Äsäkäydä Musa Cälilgä häykäl açıldı


Şuşı könnärdä ölkäneñ Äsäkäy rayon üzägendä, M.Cälilneñ 100 yıllığına qarata, park häm märmärdän häykäl, ikençe törle äytkändä, ike metr bieklektä häm ike metr kiñlektä eşlängän “Moabit däftäre”n xäterlätkän monument açıldı.

Anıñ sul yağında şağirneñ zur portretı, ä uñ yağında M.Cälil dip tatarça yazılğan häm yäşäw yılları kürsätelgän. Tübänräk, ike bittä “Cırlarım” şiğerennän, tatar häm rus tellärendä berär kuplet terkälgän.

Anıñ tirä-yağı 3 zur märmär plitä belän qorşalğan, şunda uq 6 eskämiä dä eşlängän. Aq qayınnardan torğan park 6ğa cirne bili, küptän tügel bik küp itep çırşılar da utırttılar, tirä yaqında qorşadılar.

Älege taşlandıq parknı, bügenge xälgä kiterer öçen bezgä 2 yıl kiräk buldı, - dide Äsäkäy rayon tatar milli mädäni-möxtäriäte räise Fail Latıypov. Fail Latıypov, şulay uq, älege häykäl-proektnıñ avtorı da.

Tantana rus telendä bardı, ä M.Cälilneñ şiğerläre tatar telendä yañğıradı.

Tantanada, Musanıñ şiğerlären uquçı Nail Walişin, şağirneñ icatına küp iğtibar birä, sänğät tügärägendä millättäşlärebez belän spektakl'lärdän özeklär kürsätä, konsertlar äzerli.

Nail Walişin şağirneñ icatın yäşlär häm olılar belän öyränsä, berençe sanlı balalar baqçasında, tatar tele däreslären alıp baruçı, Raniä Baybikova Cälilneñ icatı belän keçkenälärne tanıştıra.

Şulay itep, keçe yäştän Cälilneñ icatı belän tanışıp, şağirneñ isemen yörtkän parkta yal itep üskän bala üz xalqı şağireneñ isemen dä, şiğeren dä onıtmas...

Firüzä Absalyamova, Orenbur

XS
SM
MD
LG