Accessibility links

шимбә, 10 декабрь 2016, Казан вакыты 08:16

Qazanda Sara Sadıyqova könnäre


28 oktäberdä Qazannıñ 4 tatar gimnaziäse binasında kürenekle tatar kompozitorı Sara Sadıyqova isemendäge 2 töbäqara “Qalfaqlı sanduğaç”dip atalğan festival' ütte.

Anda Rossiäneñ S-Peterburg, Mäskäw şähärlärennän, Tatarstannıñ Bua, Ätnä, Apas, Yäşel Üzän, Yuğarı Oslan rayonnarınnan häm Qazan şähäreneñ muzıka häm ğomumi belem birü uqu yortlarında 60 qa yaqın uquçı balalar qatnaştı.Festival'ne KDK professorı Zemfira Säydaşewa citäkçelegendäge bik däräcäle jyuri bäyäläde.

Bu Sara Sadıyqova isemendäge “Qalfaqlı sanduğaç” festivalendä qatnaşuçılar 3 törle nominatsiädä: yalğız häm ansambl' belän cırladılar, häm muzıqa qoralında Sara Sadıykova icat itkän köylärne başqardılar. Festival' barışı turında jyuri äğzası säxnä veteranı, Sara Sadıyqovanıñ qızı- Älfiä Aydarskaya

“ Bıyıl festival'dä qatnaşuçılarnıñ geografiäse kiñräk buldı. Ämma nominatsiälärne uquçı balalarğa da ,yäşüsmerlärgä dä, studentlarğa da häm olı yäştägelärgä dä ayırım kertergä kiräk”.- dide Cırçılarnıñ cırlaw sıyfatın yaxşırtu turında uylarğa kiräk, İñ şatlandırğanı şul buldı, bıltırğı festival' belän çağıştırğanda Sara Sadıyqovanıñ 400 gä yaqın cırları arasınnan, balalar saylağan cırlarnıñ repertuarı kiñäygän”

Jyuri isemennän festival'ne yomğaqlaw süzen skripaçı, muzıka belgeçe, Tatarstan respublikasınıñ atqazanğan mädäniät eşleklese Marat Äxmätov äytte.

“Sara Sadıyqovanıñ cırların inde Tatarstanda ğına tügel , Rossiädä genä dä tügel .ä Böten Yevropa illärendä dä inde belälär Häm bezneñ maqsat bulırğa tieşh: bu festival'dä qatnaşqan balalarnı , cır ostaların tağın da başqa illärdä dä işettergä tırışırğa kiräk” dide.

Festival'dä qatnaşuçılar arasında, Sara Sadıyqovanıñ Robert Miñnullin belän icat itkän “Änkäy cırınıñ köyen S –Peterburgtan qatnaşuçı, violonçel'dä başqarıp 2 urınnı yaulağan İl'yas Kamalovqa Xalıqara xatın -qızlar oyışması “Aq qalfaq ” nıñ räise Qamäriä xanım Xamidullina da maxsus büläkne İl'yas Kamalovqa tapşırdı. Alar bu büläkne “Änkäy” cırın bu festival'dä iñ yaxşı başqaruçığa täğäyenlägän bulğannar. Audio

Mäskäwneñ “Şatlıq” ansamble solistkası, Gölnara Şakirova belän Battalova Yäsminä; dä vokal buyınça 2 urınnı yauladılar..Ä berençe urınnı menä inde 2 yıl rättän Yäşel Üzän şähäre qızı Güzäl Cihanşina yauladı

Ä min bu mäktäptä eşläp kilgän Sara Sadıyqova isemendäge muzeyğa kerep, muzeynıñ yärdämçeläre yäki, initsiativ gruppası qızları belän söyläşep aldım. Alar üzläreneñ nindi eş başqaruları turında söylädelär.

audio Bez monda atnağa ike tapqır bulabız. Muzeynıñ citäkçese Älfiä Aydarskayağa yärdäm itäbez . Sara Sadıyqovanıñ istälegen , xatirälären saqlap, bezgä alıp kilgän keşelärneñ äyberlären alabız . Alarnı maxsus ber däftärgä terkäp barabız”, dide Aygöl Fazlıyıva.

Festival'ne tämamlağanda, Sara Sadıyqova fondı citäkçese Äzhär Xösäyenov üz çığışında şunı belderde, TR ministrlar kabinetında Sara Sadıyqova isemendäge muzıkal' muzey buldıru turında qarar qabul itelüe turında äytte ul.

Sara Sadıyqovanıñ tuğan könenä bağışlanıp ütkärelgän çaralar äle monıñ belän genä tämamlanmadı.1 noyäberdä Qazan muzıkal' uçilişçesında İlham Şakirov qatnaşlığında “Dönya matur , dönya kiñ ” dip isemlängän konsert oyıştırıldı .Anda 100 dän artıq tamaşaçı bar ide. Häm şul uq könne, kiñ cämäğätçelek häm Sara Sadıyqova fondı citäkçeläre , anıñ cırların söyüçelär , anıñ qäberenä barıp çäçäklär saldılar häm aña bağışlanğan kiçä uzdı.

Mälikä Basiyr

XS
SM
MD
LG