Accessibility links

чәршәмбе, 7 декабрь 2016, Казан вакыты 21:36

BMO Süriä turında rezolutsiä qabul itte


BMO İminlek Şurası düşämbedä eleke Livan premyere Rafik Haririniñ üterelü eşen tikşerü öçen Süriädän tulı xezmättäşlek taläp itkän rezolutsiäne ber tawıştan qabul itte.Damask rezolutsiägä kileşle xäräkät itmägän xäldä aña qarşı çaralar küreläçäk ,şulay da bu dokument sanksiälär belän kisätkän ölgegä qarağanda yomşağraq.Rezolutsiäneñ ximyäçeläre Süriä arta barğan izolatsiägä kerä bara dip äytte

İminlek Şurasınıñ düşämbedä qabul itelgän rezolutsiäse Süriäne Rafik Haririneñ üterelüe mäsäläsendä bernindi şartsız BMO tikşerüçeläre belän xezmättäşlek itärgä çaqıra. Dokumentta Süriä citäkçeläre üterü eşenä qatnaşuda şiklänelgän keşelärne törmägä utırtırğa häm BMO tikşerüçelärenä tapşırırğa tieş dip yazılğan. Bu bigräk tä prezident Başar Assadnı zur basım astında qaldıra çönki BMO tikşerüçeläre anıñ tuğanı häm qaynişen sorawğa tartırğa teli.Rezolutsiä New Yorkta şuranıñ 15 äğzası şul sanda 12 tışqı eşlär ministrı qatnaşlığında ber tawıştan qabul itelde.AQŞ däwlät sekretarı C.Rice rezolusiä Süriägä xäleneñ yamanlığı turında işarä bulırğa tieş dide .

Bügenge qararıbız belän bez, yalğan belderülär, terrornı yaqlaw, kürşeläreneñ eşlärenä tıqşınu häm yaqın könçığıştağı totrıqsızlandıruçı qılanışları belän Süriägä xalıqara cämğätçelektän izolalatsiälängänen kürsättek Süriä xökümäte xäzer qılanışların tämam üzgärtü öçen strategik qarar qabul itergä tieş dip belderde AQŞ däwlät sekretarı.

Rezolutsiäneñ ximäyäçeläre AQŞ, Britaniä häm Fransie xezmättäşlek itmägän xäldä Süriäne sanksiälär belän kisätkän öleşne , Şura äğzaları Rusiä häm Qıtaynıñ ütenüe belän töşerep qaldırdılar. İminlek Şurası, BMOnıñ Detlev Mehlis citäklägän komissiäse Haririne üterügä Süriä häm Livan räsmiläre dä qatnaşqan digän näticägä kilgännän soñ rezolutsiäne qabul itte. Süriä barlıq ğäyepläwlärne kire qağa. Süriä turındağı rezolutsiä Süriä , Livan räsmiläre şulayuq üterügä qatnaşı buluda şiklänelgän keşelärneñ säyäxät itülären tıya , baylıqların tuñdırunı yaqlıy. Älege dokumentta ekonomik çikläwlär turında süz bulmasa da, Britaniä tışqı eşlär ministrı Jack Straw süzlärençä:

Bez Süriä xökümätenä sabrıbıznıñ çikle buluın xäterlätäbez,ul tulısınça xezmätäşlek itmägän xäldä İminlek Şurası östämä aksilär küräçäk

İminlek Şurasınıñ älege prezidentı Romıniä tışqı eşlär ministrı Mihai Razvan Ungureanu jurnalistlarğa Livandağı qurqınıçlı xälne kontrol öçen bu aksiä kiräkle ide digän Ungureanu:

Ğıraqtağı wazğiät, İrandağı sonğı säyäsi täräqiät , yaqın könçığışta däwam itkän tınıçlıq protsesın küzdä totqanda zäğiflängän Livanğa şuşı köçle kündermä säyäsi cinayätkä alıp barğan şartlarnı açıqlağan öçen bik waqıtlı

Süriä mätbuğatı AQŞ täsire astında äzerlände dip beldergän rezolutsiäne nıq tänqitläsä dä, prezident Assad Livan räsmiläre häm BMO tikşerüçeläre belän xezmättäşlek itü öçen xoquqçılardan torğan mäxsus komitet oyıştırırğa quştı färidä xämit
XS
SM
MD
LG