Accessibility links

шимбә, 10 декабрь 2016, Казан вакыты 13:52

Ğiraq Eçke eşlär ministrı ğisyançılarnı iminlek köçlärenä quşılırğa çaqırdı


Bağdad – Ğiraq Eçke eşlär ministrı Bayan Caber, kiläse yıl axırına Ğiraq köçläre ildäge iminlek öçen cawaplılıqnı üz östenä alırğa äzer bulaçaq dip belderde. Bügen Äl-Cäzirä televideniesendä yasağan çığışında ul ğisyançılarnı iminlek köçlärenä quşılırğa, çit il ğäskären çığaru waqıtın yaqınaytırğa çaqırdı. Bügen Ğiraqnıñ Tışqı eşlär Ministrlığı, kiläse yılnıñ Fivral axırı – Mart başında Bağdadta ütäçäk konferensiädä ğäskär çığaru waqıtı bilgelänäçägen belderde. Bu turıda yäkşämbedä Kahirädä Ğäräp Ligası ximayasında ütkän oçraşuda kileşengän. Ul arada bügen Qanan qalasında maşinağa quyılğan bomba şartlaw näticäsendä kimendä 4 sivil keşe häläk bulğan. Bağdadta 3 keşe, şul isäptän politsiä xezmätkäre atıp üterelgän.

XS
SM
MD
LG