Accessibility links

җомга, 9 декабрь 2016, Казан вакыты 20:39

Germaniädä berençe xatın qız kansler


Bügen Germaniä Bundestağı yäğni parlamentnıñ tübän palatası küpçelek tawış belän Angela Merkelne Almaniäneñ berençe xatın qız kanslerı itep rasladı. Angela Merkel konservativlar häm sotsial demokratlardan torğan kiñ koalitsion xökümät belän citäkçelek itäçäk. Säyäsi köndäşlärdän torğan xökümätneñ tışqı säyäsäte nindi bulaçaq?

Angela Merkel 397 yäğni küpçelek tawış belän saylandı. Koalitsiädäge 448 parlamentarnıñ 51 añı yaqlamasa da ul eleke kanslerlarğa qarağanda in küp tawış alğan buldı. Parlament süzçese Norbert Lammert näticäne mondıy süzlär belän iğlan itte:

Deputat Dr.Angela Merkel Germaniä parlamentı äğzalarınıñ küpçelek tawışı belän Federal Respublika Germaniäneñ berençe xatın qız kansörı itep saylandı.

Lammert süzlärenä däwam söyekle Dr.Merkel sez Germaniädä saylanğan bereneçe xatın qız xökümät başlığı Bu bik küp xatın qız öçen köçle işarä bulğan kebek şulayuq qayber ir at öçen dä dide Ämma dä läkin säyäsi köndeşlärdän torğan kiñ koalitsiä 4 yıldan soñ bulaçaq saylawlarğa qädär yäşäp qalır digän ömedlär zur tügel Berlindä İrekle Universitetta säyäsi analitik İngo Peters kabinetta xakimiätneñ uñnar häm sullar arasında ber tigez bülenüe açıq anıq yul öçen küpkä qıyınraq di

Koalitsiäneñ yaqınça ber tigez partnärlardan toruı zur problema bulıp tora. Köçlär ber tigez bulmasa ide kanslerğa citäkçelek itü qulayraq bulır ide dip äytte Peters

Koalitsiä başlıça eçke mäsälälärgä, berençe urında ber waqıtlarnı Yevropanıñ dinamik motorı bulıp torğan alman iqtisadın canlandıru öçen tırışaçaq.Merkel aldında tışqı säyäsättä dä qayber mäsälälär tora. Analitiklar Berlinneñ AQŞ belän mönäsäbätläre , anıñ Yevropa Berlegendäge partnörları häm Törkiägä qarata säyäsäte dip öçkä ayıra.Merkel Ğıraq suğışı säbäple AQŞ belän kierenkelängän mönäsäbätlärne yomşartu öçen tırışlıq kürsäter dip kötelä. Almanya Washingtonnı Ğıraq mäsäläsändä in kisken tänqitläwçe buldı, kansler Schröder saylaw aldı kampaniäsendä xalıqnıñ anti amerikan xislärenä möräcäğät itkän ide. Merkel mömkin bulğan qädär irtäräk Washingtonğa barıp distälägän yıllardan birle yaqın häm dustanä dip taswirlanğan mönäsäbätlärne torğızır dip kötelä. Şulay da bu säfär nigezne tügel ä atmosferanı ğına üzgärtäçäk. Çönki Germaniäneñ Ğıraqqa xärbilär cibärmäw säyäsätendä ber nindi üzgäreş bulmayaçaq.Şunı äytergä kiräkter, Merkelneñ tışqı eşlär ministrı Frank Walter Steinmeir. Ul Sotsial demokratlarnıñ ölkän citäkçelärennän häm Schröderneñ saylawçılarnıñ anti amerikan xislären qullanıp saylawlarda ciñüenä kitergän kampaniäneñ arxitektı ide Analitik Peters:

Trans-Atlantik mönäsäbätlär köntärtibeneñ in başında toraçaq. Min yaña tışqı eşlär ministırınıñ işarälärennän anıñ trans-atlantik mönäsäbätlärenä basım yasauın häm däwlät sekretarı C.Rice belän tizdän oçraşırğa cıyınuın añladım dip äytte Peters.

Alman säyäsätçeläreneñ küpçelege kebek Merkel dä Yevropa integratsiäsen yaqlıy.Anıñ berençe çit il vizitı Fransiägä,prezident Chiraq yanına bulaçaq. Yevropa Berlegeneñ nigezen Fransiä belän Germaniä täşkil itä. Ul Berlekneñ keçkenä illäreneñ teläklärenä qolaq salaçağın äytkän ide. Merkel Parisdan soñ Brüssel häm Britaniägä yul totaçaq. Ämma Merkel energieseneñ zur öleşen Berlektä tügel ä koalitsiä belän idarä itü öçen qullanaçaq, anıñ köndeşläre xätta üz partiä-sendä dä anı tänqitläwçelär bar.Törkiä Merkel öçen başqa möhim mäsälä bulıp tora. G.Schräder Ankaranıñ Y.berlegenä quşıluın nıq yaqlawçı ide. CDU yäğni Merkelneñ konservativ Xristian Demokratik Berlege häm anıñ Bavariädäge qardäş partiäse CSU yäğni Xristian Sotsial Berlege Törkiä Yevropa ile tügel dip anıñ Berlekkä aluğa qarşı çığa. Merkel Ankarağa tulı äğzalıq urınına möxsus mönäsäbätlär täğdim itmäkçe. Bu konsepsiäne Törkiä qatğıy räweştä kire qağa.Törkiäneñ yazmışı yıllarça xäl qılınmayaçaq, ämma Merkel här forsatta Törkiäne Berlek ambitsiälärennän wazkiçerü öçen tırışaçaq dip kötergä kiräk . Polşa Berlin öçen başqa näzberek mäsälä bulıp, Warşawdağı yaña konservativ xökümät Germaniä häm Yevropa Berlegen tänqitli.2.Böten Dönya Suğışınnan soñ Polşa häm könçığış Yevropanıñ başqa illärennän quılğan millionnarça alman üzlärenä yasalğan xaqsızlıqlar kompensatsiälänergä tieş dip taläp itä. Polşa quılğan almannarnıñ cir mileklären qaytarıp birüne kire qağa.Merkel bu eş belän mäşğül bulırğa wäğdä itte,kiñ koalitsion xökümät turında almannarnıñ zur öleşe ul 4 yıl xakimiättä utırmayaçaq digän fikerdä färidä xamit
XS
SM
MD
LG