Tähran -- İran mäsäläse Berläşkän Millätlärneñ İminlek Şurasına cibärelgän oçraqta, İran xökümäte atom şirkätlärenä xalıqara inspektorlarnı kertüne tıyarğa mäcbür bulaçaq. İran parlamentı bügen şul xaqta qanun qabul itte. Bu adım Xalıqara atom energiä idaräseneñ atnakiçtä ütäçäk utırışı aldınnan yasaldı. Bu utırışta İrannıñ atom programması mäsäläse tikşerelergä tieş. Bügen Britan premier-ministrı Tony Blair, Könbatışnıñ, İran atom qoralı yasarğa teli digän borçuların, qabatladı. Tähran bu ğäyepläwlärne kire qağa häm üzeneñ atom programmasın tınıç maqsatlar öçen dip belderä.
