Accessibility links

чәршәмбе, 7 декабрь 2016, Казан вакыты 17:23

Färit Möxämmätşin: awılnı saqlap qalırğa kiräk


23 noyäber könne, «İnterfaks-İdelbuyı» agentlığında Tatarstan Däwlät Şurası räise Färit Möxämmätşin jurnalislar belän oçraştı. Bu gäzit-jurnal xäbärçeläre öçen, respublikanıñ yuğarı citäkçesenä üz sorawların birü öçen uñaylı mömkinlek ide. Matbuğat öçraşuına 2 distä mäğlümat çarası wäkilläre cıyıldı häm küpçelek jurnalisltlarnı munisipal reformanıñ barışı qızıqsındıra bulıp çıqtı. Cirle üzidärä turındağı qanun 2006 yıl başında inde eşläp kitärgä tieş, ä añlaşılmağan sorawlar äle bixisap.

Matbuğat oçraşuınıñ teması – «Federal üzäkneñ kisken sotisal reformaları häm Tatarstannıñ andağı role» dip atalgan ide. Parlament räise Färit Möxämmätşin, reformalar turında notıq totqanda, Tatarstanñ gel üzençä eşläde, gel üzgä yuldan bardı, dide. Mäsälän, munisipal reformanı tormıçşa aşırğanda. Respublikada, rayon başlıqların saylawnı, turıdan turı tügel, ä başta deputatlar saylap, alar arasınnan citäkçene genä saylarğa bulğannar. Qayber jurnalistlarnıñ, isemne alıştırudan xakimiätneñ ciseme üzgärerme, rayon başlıqları nigezdä şul uq qaldı, dip däğwä belderde. Färit Möxämmätşin, yuq, xakimiätneñ yöze üzgärde, deputatlar urınına tabiplar häm uqıtuçılar saylandı, dip cawap birde. Tağın ber xäbärçe, xalıq reformanıñ asılın añlamıyça, monetizatsiä qanunı belän bulğan kebek, uramğa çıqmasmı, dip qızıqsındı. Parlament räise, xalıq arasında añlatu citärlek däräcädä alıp barılmıy, dip belderde. Ämma şul uq waqıtta, cirle üz idäräläreneñ, alarğa tapşırğan wazifalarnı ütärgä, yullarnı, uramnarnı tärtiptä totarğa, remont eşlären alıp barırğa, ülem-kitemnärne terkärgä häm başqalarnı qayğırtırğa aqçaları citmäskä mömkin,dide ul. Belgänegezçä, xäzer cir, milek öçen, härkemneñ eş xaqınnan, uyın biznesınnan alına torğan häm tağın ber-niçä salımnar munisipal xakimiätlärgä qalıp baraçaq.

Färit Möxämmätşinnıñ äytüenä qarağanda, ber distä meñ munisipal berämlekneñ 9% nda üz cirlären qararğa finans xäle bar. Qalğan 91% munispal berämlekkä, däwlät, maxsus fondlar aşa, aqçalata yärdäm kürsätep baraçaq, dide Färit Möxämmätşin. Bu xalıqnıñ, elekkeçä, däwlätkä bäylelekkä qaytıp qala, ämma finans yärdämne kürsätmiçä buldıra almıybız dide parlament räise. Çığımnarnı häm keremnärne cirle üz idärälärgä üz aqçalarına totarğa kiräk bulğanğa kürä, ekonomiä yasaw maqsatınnan, mäktäp, kitapxanä, şifaxanälärne qısqartu problemaları tua. Şul yuldan barğanda, keçkenä awıllar betmäsme, dip soraw birde xäbärçelär. Färit Möxämmätşin, här töbäkneñ mäsälälären ayırım qararğa kiräk, awıllarnı saqlap qalırğa kiräk, dip cawap birde.

Matbuğat oçraşuınıñ axırında Färit Möxämmätşin tağın berniçä belderü yasadı. Respublikada demokratiä bar dide ul, «Berdäm Rusiä» firqäseneñ yäşlär qanatı gvardiägä äylänüen ul xuplamıy, ä menä äflisun inqilablarına qarşı torır öçen oyıştırılğan «Bez» xäräkätendäge yäşlärneñ bik yaratıp qaluın belderde.

XS
SM
MD
LG