Accessibility links

сишәмбе, 6 декабрь 2016, Казан вакыты 22:51

Uyın avtomatları öçen salım küläme arttı


23 noyäberdä Prezident Mintimer Şäymiev Tatarstannıñ ike qanunına qul quydı. Alarnıñ berse xäzer poçmaq sayın tora torğan uyın avtomatları turında. Xäzer alarğa salım küläme arttırılğan. 2006 yılnıñ 1 ğinwarınnan ber uyın östäle öçen ayına – 125 meñ sum, uyın avtomatı – 7500 sum, totalizatornıñ ber kassası yäki bukmeker kontorlıysı öçen 75 meñ sum tüläw qarala, bu yaña qanun buyınça. Käsepçelär öçen şaqtıy keremnär kiterä torğan bu eşçänlek äle üsä bara. Tatarstanda, mäsälän, uyın avtomatları, zallar, kazinolar, ğomumän otışlı uyınnar belän bergä yal itärgä etläwçelär öçen, ayırım ber şähär tözelergä dä tora. Tatarstannıñ Los -Andjeles şähäre inde bu. Älbättä iseme başqa bulsa da, cisemen şulay itmäkçelär, Tatarstan räsmiläre. Älege uyın şähäre, Tübän Qama rayonınıñ Qama Alanıda bulır digän xäbärlär bar. Älegä qädär, anda Tatar atom stansiäsen tözemäkçelär ide. Tözü tuqtatıldı, anıñ qarawı xalıq eşsez qaldı. Menä şuşı xalıqnı şundıy ısul belän eşle itmäkçelär.

Gölnaz Şäyxetdinova

XS
SM
MD
LG