Accessibility links

пәнҗешәмбе, 8 декабрь 2016, Казан вакыты 01:15

ZP: Kamil İsxaqovnıñ köräşe däwam itä


Kamil İsxaqov Yıraq Şärıqqa Rusiä prezidentı Putinnıñ wäkile bulıp kitsä dä, ul Respublikağa qaytuınnan waz kiçmäde. Tatarstan prezidentı komandası häm Kamil İsxaqov keşeläre arasında köräş däwam itä. Kamil İsxaqov komandasında bulğan qayber keşelär, Şäymievnıñ Qazan başlığı itep İlsur Metşinnı bilgeläwen zakonsız dip baralar. “Звезда Поволжья” gäziteneñ soñğı sanında basılğan “Улетаю, но не сдаюсь”, yäğni “Oçam, läkin birelmim” dip atalğan Räşit Äxmätov yazmasında şul xaqta süz bara.

Yığılğannı qıynamıylar digän ğibärä bar. Kamil İsxaqov Qazannan kitsä dä, anıñ turında süz matbuğattan töşkäne yuq. Xäyer, Kamil İsxaqov yığılğanmı, ällä kütärelgänme, monısı da bar bit äle. Звезда Поволжья gäzite Kamil Şamileviç Qazanda bulğanda da gel Respublika xakimiäte belän köräş serlären açıp tora ide. Xäzer dä bu eşen däwam itä. Oçıp kitäm, läkin bireşmim yazması da Kamil İsxaqov turında. Ul yıraqqa kitsä dä yänäse, respublika xakimiätenä bireşmi, üz keşelären Qazanda qaldıra, tä'sirle urınnarda.

Räşit Äxmätov älege yazmasın İsxaqovnıñ Yıraq Şärıqqa niçek kitüennän başlıy.Elekkege xezmättäşläre, Lyudmila Andreyeva, serle yılmayıp, äylänep qaytuığıznı kötäm, başqalar, bezne Kamil Şamileviç, Yıraq Şärıqqa üzeñ belän al dip qıçqıralar ikän. Hawa alanında.

Eş şunda ki, çının äytkändä, Qazannı taşlarğa da cıyınmıy. Yäşeren çığanaqlar xäbär itkänçä, ul, üzeneñ iñ zur yärdämçese,Qazan xakimiäte apparatı citäkçese Röstäm Niğmätullinnı üz urınına qaldırırğa dip, Şäymievqa kergän bulğan. Läkin Şäymiev bu kandidatura belän kileşmägän häm bu urınğa Metşinnı täqdim itkän.

Gäzit yazuınça, Kamil İsxaqov, Şäymiev Metşinnı bilgeläw turında räsmi iğlan itkän waqıtta, İsxaqov qoyılıp töşkän bulğan. Läkin, ikençe könne Kamil İsxaqov üzen qulğa alğan, Qazan şähäre deputatları utırışında, böten cıyılışnı üze alıp barğan, Metşin çittä utırğan. Xätta, Metşin, üzeneñ yaña urınbasarın bilgeläw turında, min bilgelädem dip xäbär itkäç, Kamil İsxaqov tözätep quyğan, yuq, anı min bilgelädem dip.

Звезда Поволжья gäzite yazuınça, Kamil İsxaqov yaña yılğa qädär, Qazan şähär deputatlar şurası räislegennän kitärgä cıyınmıy ikän. Anıñ sessiä utırışlarına, Xabarovskiydan qaytıp yöriäçäk.

Näq menä anıñ citäkçelegendä şähär dumasına başqarma komitetına citäkçe konkurs aşa saylanaçaq. Ä bu urınğa Metşin däğwä itä.

İkençe sensatsiä. Kamil İsxaqov, monnan tış, aprel'gä qädär Wahapov okrugınnan saylanğan deputatlıq wazifaların da taşlarğa cıyınmıy. Bu närsäne añlata?Wahapov okrugında, yaña deputat äle saylana almıy digän süz. Metşinnı şuşı okrugtan Qazan dumasına deputat itmäkçelär ide. Şulay bulğaç, başqa ber deputatqa, wazifasınnan baş tartırğa turı kilä häm ul deputat urınına Metşin saylanaçaq. Läkin, İsxaqovnıñ üzen bolay totışı bu bötenesenä signal. Alar añlıylar, İsxaqov komandasın qısrıqlap çığaru başlanaçaq.

Yazma avtorı Räşit Äxmätov yazuınça, äle Qazanda İsxaqov komandası rul'ne tota. Metşinnı deputat itärgä cıyınğan oçraqta da, aña qarşı eşläwläre ixtimal. İsxaqov, Putinnıñ Yıraq Ştrektağı wäkile dä bulğaç, ul xäzer höcümgä totınaçaq. Xäzer isä, şähärneñ küp kenä deputatları qurquğa qalğan. Metşin yağına çığar idek, İsxaqov ber-ike yıldan äylänep qaytsa, bezne pıran-zaran kiteräçäk dip äytälär.

Räşit Äxmätov däwam itä.

Qazan dumasınıñ zakonlılıq buyınça komissiä räise Nikolay Rıbuşkin äytüenä qarağanda, Metşinnı Qazan merı itep bilgeläw turındağı qarar zakonğa qarşı kilä. Rıbuşkin monı, kandidat Qazan sovetı belän kileşelgän bulırğa tieş ide dip añlata. Monnan tış, yaña munitsipal orğan şähärdä oyıştı, iskeseneñ waqıtı tämamlana.Mondıy waqıtta yaña başlıq bilgeläw döres tügel. Şulay itep, Qazanda turıdan-turı Şäymievnıñ ukazları zakonsız digän mä’sälä kütärälär.

Räşit Äxmätov, moña qaramastan, Putinğa Şäymievnıñ tä'sire zur dip yaza. Şuña kürä, respublikadağı xäzerge xakimiät, İsxaqov komandası ni genä qılırğa teläsä dä ayağında nıq tora dip sanıy. Putinnıñ Şäymievtan, 2008 yılğa qädär genä bulsa da xakimiättä qaluın ütenü üze ük küp närsä turında söyli di.

Räfis Cämdixan.

XS
SM
MD
LG