Başqortstannıñ Yuğarı mäxkämäse akademik Äskär Qaybışev eşen tikşerüne, advokatlar üteneçe belän, Dikäberneñ 7senä küçerde. Rusiäneñ İminlek xezmätläre Ufadağı Ütä-sığılmalı metallar tikşerü institutı citäkçese, tanılğan ğalim Äskär Qaybışev''nı Könyaq Koreağa ikelätä-texnologiälär tapşıruda, yalğan dokument qullanuda, aqça üzläşterüdä ğäyepli. FSB belderüenä qarağanda, tapşırılğan mäglümätlär raketa häm qoral citeşterüdä qullanılğan bulırğa mömkin. Qaybışev bu ğäyepläwlärne qatğıy räweştä kire qağa. /ag
