Omskida xäzer balalar arasında millätara tolerantlıq tärbiäläwgä iğtibar arta bara. Soñğı waqıtlarda ğomumi belem mäktäpläre ber-ber artlı diärlek millätara tärbiä temasına bağışlanğan çaralar oyıştıralar. Alarnıñ qayberlärendä tatar oyışmaları da qatnaşa. Omskinıñ 4-nçe sanlı mäktäbendä çärşämbe könne ütkärelgän şundıy ber çara “Törlelär berdämlege” - “Yedinstvo raznıx” dip isemlängän ide. Anda tatar moxtariäte qarşında eşläwçe “Ömet” kollektivı balaları çığış yasadı. Alarnıñ çığışın älege mäktäpneñ uquçıları qızıqsınıp qaradılar, üzläre dä törle xalıqlarnıñ iyüllären başqardılar, xalıq äkiätläre temalarına säxnä küreneşläre uynadılar, Rusiädä niçä millät xalqı yäşi, nindi şähär nindi respublikanıñ başqalası digän häm başqa şundıy sorawlarğa cawaplar birdelär. “Ömet” kollektivı citäkçeseneñ, bıyıl Qazanda nindi zur çara buldı,- digän sorawına bertawıştan, meñyıllığı bäyräm itelde,- dip cawap birdelär. Rozaliä Sayganova, Omski
