Accessibility links

шимбә, 3 декабрь 2016, Казан вакыты 20:43

Tatar atom stansiäse şähärçegenä 23 yıl


Tatarstannıñ Tübän Qama rayonındağı Kama Alanı bilämäsenä 23 yäş tuldı. Älegebilämä Tatar atom stansiäsen tözär öçen buldırılğan ide. 90 yılda AES tözü tuqtatıldı. İlneñ törle töbägennän Tatarstan urtasında atom stansiäse tözergä cıyılğan xalıq , eşsez qaldı. 15 yıl buyına kiläçäktä ni bulasın belmi yäşi. Xäzer, qayber xäbärlärgä qarağanda, Tatarstan xökümäte, Kama Alanı poselıgında yal itü urını, ayırım ber şähärçek itmäkçe bula. Yäğni, Las Vegasnıñ tatar variantı. Bu aralarda ğına, Kama Alanında tatar atom stansiäsen yañadan tözüne başlaw turında süz quzğatılğan ide, räsmi dokumentlar da buldı. Ämma alar, cämäğätçelek qarşı torğanğa, yañadan tuqtatıldı

Şul uq waqıtta, tatarstan räsmiläre, Qama yılğasındağı sunı kütärep, oçsız energiä yasamaqçılar ide. Däwlät Şurası bu ideyäne xuplap çıqtı. Su kütärelgän oçraqta, räsmi sannarğa qarağanda, Tatarstanda ğına 2 300 yort başqa cirgä küçerelergä tieş. Ä meñärlägän gektar uñdırışlı tufraq su astında qalaçaqlığı inde başqa mä’sälä. Tatarstan Yäşellär xäräkäte, su kütärügä qarşı, Qama artı şähärlärendä protest-qarşılıq çaraları da ütkärde.

Soñğı qayber çığanaqlarğa qarağanda, Tatarstan xökümäte su kütärü bulmayaçaq digän qaraşta tora. Läkin, su bieklegen kütärgän oçraqta nilär bulasın- bolarnı öyränü däwam itäçäk.

Räfis Cämdixan

XS
SM
MD
LG