Accessibility links

шимбә, 3 декабрь 2016, Казан вакыты 09:55

Tatar gimnaziäläre nigä urıslaşa?


Tatar gimnaziäsendä bulğan küçmä utırış ni ğäcäp fäqät rus telendä bardı. Utırışta qatnaşqan Qazan şähäre mäğärif idäräse räise urınbasarı Marat Lotfullin 1нче gimnaziä xaqında bolay dip söyläde

Elektän ük tatar telendä uqıtu ğädäten saqlap kilgän bu berdänber uqu yortı. Rus telendä uqıtuçı sıynıflar bu mäktäptä ğomumän yuq. Bulırğa mömkin dä tügel, çönki mäktäplärneñ statusların bez tikşerep kenä torabız. Tatar telendä uqıtuçı mäktäplär rus sıynıfların aça almıy, çönki alarnıñ moña xoquqı yuq. Läkin şundıy mäktäplär dä bar. Misalğa küptän tügel Sovet rayonında açılğan 171нче mäktäpne kiterä alam. Mäktäpne açqanda biregä rus mäktäplärdän dä balalar kilde. Şulay bulğaç bit inde 7нче sıynıfta, mäsälän, tatar telendä genä uqıtu mömkin tügel xäl. Andıy mäktäplärdä ölkän sıynıflar rusça uqı. Ä keçkenäläre inde tatar sıynıflarına yöri, alar mäktäpne dä tatar telendä tämamlıy.

Şähärdä tatar telendä belem birüçe 47 uqu yortı bar. Küçmä utırış ike uqu yortın ğına tikşerep, nindi näticälär çığarırğa cıyına ikän soñ? Marat Lotfullin bu xaqta - şähärdäge uqu yortları turındağı mäğlümatlar Tatarstan mäğärif häm fän ministrlığında bar inde digän cawap qaytardı. Alay bulğaç 1нче gimnaziäneñ dä rus sıynıfları bulmawın belä torıp ni öçen anı saylağannar?

1nçe Gimnaziä xaqında älege uqu yortınıñ direktorı Gölfiä Gayazova “Azatlıq” radiosına bolay dip söyläde

Tatar mäktäplärenä rus sıynıfları açıla dip tamğa quyarğa yaramıy dip uylıym min. Xäzerge şartlarda da tatar mäktäplärenä yäşärgä kiräk. Cämğiättä tatar telenä ixtiac bulmasa, dimäk tatar tele dä kiräk bulmayaçaq. Tatar mäktäpläre inde telen saqlap toruçı berdän ber üzäk ul.

Räsmi bulmağan mäğlümatlarğa qarağanda tatarlığı belän şapırınğan älege gimnaziädä rus sıynıfları da bar. Comğa könne uzğan küçmä utırışta bu yäşerelsä dä, bez qapçıqta yatmıy. Citäkçelek aldında yaltıratıp kürsätelgän xäl çınlıqta qaltıramıymı?

Al'bina Zäynulla

XS
SM
MD
LG