Accessibility links

шимбә, 10 декабрь 2016, Казан вакыты 10:03

Mari-Elda yäşäwçe “Tatar-başqort köräşe”n üsterüne qayğırtuçı tatarlar Qazanğa kilgännär


Azatlıq radiosınıñ Qazandağı byurosına Tatar-başqort köräşe federatsiäseneñ Mari Eldäge bülekçäse citäkçeläre kilep kerdelär. Alar Mari El' respublikasınıñ tatar-başqort köräşe buyınça böten Rossiägä bilgele batırları belän ğorurlanalar häm yäşüsmerlärne sälämätländerü buyınça alarnı narkomaniä, eçkeçelektän saqlap qalu buyınça şaqtıy eş alıp baruları turında söylädelär.

Alar Rossiä çempionatlarında, Musa Cälil turnirlarında qatnaşalar. 2004 yıldağı Böten Rusiä buyınça 18 yäşkä qädärge yäşüsmerlär arasında ütkärelgän çempionatta Ul'yanovskiyda berençe märtäbä Rusiä batırı bulıp 17 yäşlek İlsur Safuanov qala.Ä aña qädär , 2002 yılda Qazanda ütkän Rossiä çempionatında 3 nçe prizlı urınnı İlnur Ğaripov, belän İlham Ğaliev alalar. Federal' Sabantuy batırları turında . Federatsiäneñ baş trenerı İldus Ğaripov söyli:

“2004 yılda Yoşkar- Olada uzğan federal' Sabantuyda Möxetdinov Ruslan, . Grigoriy Krest'yannikov batır qalalar. 3нче urınnı İlnurĞaripov aldı. Ä bıyılğı federal' Sabantuyında Tübän Novgorodta Grigoriy Krest'yannikov berençe urınnı yawladı.

Ä sezne närsä etärde soñ bu köräşne oyıştırırğa häm sezdä nindi şartlar tudırılğan digän sorawğa, ul bolay dide.

“Bez üzebezneñ balalarıbıznı eçkeçelek, narkomaniädän saqlap qalu niätennän şuşı tatar köräşen oyıştırdıq .Başta bezgä konsert zalınıñ säxnäsen birgännär ide. Xäzer inde üzebezneñ keçkenä zalıbız bar.”dide Mari -El respublikasındağı tatar başqort köräşe federatsiäneñ baş trenerı İldus Ğaripov.

Mari El respublikasınıñ Medvedevskiy rayonınıñ tabiğät resursları bülegendä idärä itüçe, tatar -başqort köräşe federatsiäsendä kontrol'-revizion komissiäse räise İbrahim Säyfullin Mari El respublikasındağı 10 yılğa yaqın eşläp kilgän tatar üzägeneñ eşçänlege turında häm respublikada yäşägän tatarlarnıñ tuğan telen, häm anıñ mädäniäten , ğöref-ğadätlären saqlap kilüläre turında söyläde.

Mari-Elda 50 meñ tatar yäşi. Alar bik küp yıllar däwamında marilar häm başqa millät xalıqları belän dustanä yäşilär. Alar, törle cır- biyu festival'läre ütkärälär, mäçetlär tözilär, Ramazan festival'läre, .menä 15 yıl inde sabantuylar ütkärälär, uzğan yılda federal' Sabantuyın ütkärdelär. Häm ğomumän, keşe öçen yaxşı tä'sir itkän alarnıñ bu ğämällärenä, bäyrämnärdä , başqa millät xalıqlarınıñ da qatnaşuına , alar şatlanıp yäşilär.

Mälikä Basıyr Qazan

XS
SM
MD
LG