Accessibility links

чәршәмбе, 7 декабрь 2016, Казан вакыты 19:16

Ğäziz Älmöxämätov isemendäge bäyge başlana


Tatar häm başqort xalıqlarınıñ kürenekle kompozitorı häm cırçısı Ğäziz Älmöxämätovnıñ tuuına 110 yıl tuldı. Şuşı uñaydan Başqortstanda küp kenä mädäni çaralar ütä. Ayıruça Ufada bu datağa zur iğtibar birelä. Ufa däwlät sänğät aqädemiäsendä häm Ufa däwlät sänğät uçilişçesında, şulay uq maxsus muzıyka mäktäplärendä häm litseylarında xäter kiçäläre oyıştırıla. Alarda qatnaşuçılar Ğäziz Älmöxämätovnıñ tormış yulı häm icatı xaqında küp mäğlümatlar ala, şulay uq anıñ cırların da başqara.

Ataqlı kompozitor häm cırçı Ğäziz Älmöxämätovnıñ istälegen Başqortstanda qäderläp saqlıylar. Anıñ icatına bağışlanğan törle mädäni çaralar, sänğät bäygeläre oyıştıru da şunıñ ber çağılışı. Menä bu yıl azağında, dekäbr ayında häwäskär cırçılar häm maxsus muzıyka uqu yortlarınıñ täwge qurslarında belem aluçı taliplar arasında Ğäziz Älmöxämätov isemendäge çirattağı sänğät bäygese ütäçäk. Soñğı yıllarda matur traditsiägä äylängän bu yarışma sänğät yulına, zur säxnägä küp kenä yäş talantlarnı çığardı.

Äle respublik rayonnarında şuşı bäygeneñ Ufadağı yomğaqlaw öleşenä iñ yaxşı başqaruçılarnı saylap alu etabı bara. Bäygene oyıştıruçılar äytüençä, Ğäziz Älmöxämätov isemendäge abruylı sänğät yarışmasında qatnaşu öçen däğwa itüçelär bıyıl ayıruça küp.

Ufada Ğäziz Älmöxämätovnıñ siksän yäşne uzğan qızı Roza xanım Latıypowa-Älmöxämätowa äle dä isän-saw yäşi. Ätise xörmätenä tatar häm başqort cırçıları arasında bäygeneñ daimi oyıştırıluın ul anıñ yaqtı istälegen qäderläp saqlaw dip bäyäli. Telewidenie, radioda yaña tapşırular äzerlände, mäktäplärdä xäter kiçäläre dä ütä, di Roza apa.

(Roza) Bu kürenekle kompozitor häm cırçı Ğäziz Älmöxämätovnıñ qızı Roza xanım buldı. Kiläse atnanıñ sişämbesendä Ufa däwlät sänğät aqädemiäsendä Ğäziz Älmöxämätovqa bağışlanğan fänni konferensiä dä ütkärelä.

XS
SM
MD
LG