Accessibility links

дүшәмбе, 5 декабрь 2016, Казан вакыты 21:37

BMO Qıtay häm Rusiägä yärdäm täqdim itä


Jeneva -- Berläşkän Millätlär Qıtayğa da Rusiägä dä yärdäm täqdim itte. Oyışmanıñ wäkile Elizabeth Byrs süzlärençä, älegä bersennän dä yärdäm möräcäğäte kilmägän. Amur yılğasına eläkkän ağulı matdälär Rusiä cirenä zur külämdä kilep citsä, Xabarovski töbägendä ğädättän-tış xäl kerteläçäk. Bu turıda comğa könne Xabarovskinıñ idarä başlığı urınbasarı Vladimir Popov xäbär itte. Bu qazadan kilgän zıyannı beterü öçen berniçä ay kiräk bulaçaq, dide ul. Noyäberneñ 13ndä Qıtaynıñ ximiä şirkätendä bulğan şartlaw näticäsendä 100 tonna çaması benzol Amurğa qoyğan Songua yılğasına eläkte. 80 çaqırım zurlıqtağı "ağulı tap" xäzer Rusiägä taba ağa.

XS
SM
MD
LG