Accessibility links

Кайнар хәбәр

Ğiraq ministrı Yapon xärbilären qalırğa sorıy


Tokio -- Ğiraqnıñ Tışqı eşlär ministrı Höşiär Zebari Yapon xärbiläreneñ Ğiraqta qalu waqıtın ozayıtrğa soradı. 600läp Yapon xärbieneñ Ğiraqta qalu möddäte 14 Dikäberdä çığa. Tokioda säfärdä bulğan Zebari üzeneñ bu üteneçen 15 Dikäber ütäçäk saylawlar belän añlattı. "Ğiraq xökümäte bularaq bez şunı toyabız, ilebez xäl-itkeç çor kiçerä, saylawlar, kiläse yılda yaña xökümät bulaçaq. Bu wazğiättä bez Yapon xärbiläreneñ tağın berazğa qaluın telibez. Älbättä soñğı süzne Yapon xökümäte äytäçäk", dide Ğiraq ministrı. Yapon premier-ministrı Yuniçiro Koizumi älegä bu xaqta ber belderü dä yasamadı. Atnakiç könne Yaponiä Ğiraqnıñ bu ilgä bulğan 6 milliard dollar, yağni 80% burıçın sızıp taşladı. Zebari, Ğiraqnıñ Saddam çorınnan qalğan 120 milliard dollar burıçların xäl itü tırışlıqların kürä.
XS
SM
MD
LG