Accessibility links

дүшәмбе, 5 декабрь 2016, Казан вакыты 19:51

Ärmänstan: opozitsiä konstitutsiä referendumında xärämläşelde dip däğwä itä


Yäkşämbedä Ärmänstanda konstitutsiägä üzgäreşlär kertü turında ütkärelgän referendumnıñ berençe näticälärenä qarağanda , fiker beleşügä qatnaşuçılarnıñ 93% yaqlap çıqqan. Bu turıda saylaw xakimiätläre xabär itte.Ämma opozitsiä citäkçeläre sannar döres tügel, xärämläşelgän di.Sannar möhim, çönki üzgäreşlärneñ köçkä kerüe öçen birelgän tawışlarnıñ öçtän ber öleşe tarafınnan yaqlanırğa tieş.Şulayuq tawış birergä xoquqlılarnıñ 50% urnalarğa barğan bulırğa tieş.

Konstitutsiä reformı turında yäkşämbedä ütkärelgän referendumğa qarata küzgä bärelerdi bitaraflıq xökem sörsä dä, Ärmänstan Üzäk Saylaw Komissiäse xalıqnıñ zur küpçelege 64% tı urnalarğa bardı häm alarnıñ 93% eyye dip yaqlap tawış birde dip belderde. Referendumnan elek boykotqa çaqırğan opozitsiä bu sannarnı şik belän qarşı aldı. Ğomumän alğanda tawış birü puktları buş , xalıq yöremede digän fiker kiñ cäyelgän . Xalıqara küzätüçelär sanı bik az ide , xärämläşülär turında köçle dälil tabu qıyın. Opozitsiädäge Milli Demokratik Berläşmäneñ citäkçse Vazgen Manukian referendumnı Ärmänstanda saylaw manipulatsiälärendä yaña basqıç dip taswırlıy .Manukian:

Bügen Ärmänstanda elek bulmağan ike närsä buldı. bez här ikesen dä köttek , şulay da här ikese dä elek bulmağan küreneş.Tawış birü urınnarınıñ ber qayçan da şundıy buş bulğanı yuq ide.Xakimiätlär saylaw belän xärämläşüdä ike yözlelekne bik ädäpsez räweştä kürsätte . Eleke yıllarda bez ber qayçan da şundıy açıqtan açıq äxläksezlek kürmägän idek , minemçä bu il , däwlät külämendä aldaşu.

Opozitsiä referendumnı oyıştırğan xökümät legitim tügel digän fikerdän çığıp boykot iğlan itkän ide. Opozitsiä prezident Koçarian xakimiätkä xärämläşelgän prezident häm parlament saylawları aşa kilde dip däğwä itä. Opozitsiä referendumğa qarşı kampaniäne opozitsiäne canlandıru öçen qullana alır dip ömed itsä dä, ğomum bitaraflıq anıñ bu telägen ğämälgä aşırmadı. Ütkän atnada eleke tışqı eşlär ministırı Raffi ärmännärne boykot qına tügel ä xakimiätlärgä sivil buysınmauçanlıq kürsätergä çaqırğan ide. Atna azağındğı kampaniägä Yerevanda 1500 çaması keşe qatnaşsa da saqlanu ministrı Serzh Sargsian

Min cıyınğa çaqırıp anda in kimendä meñ keşe kilmäsä, älbättä intihar itmäs idem , ämma oyatımnnan keşelärneñ küzenä dä qarıy almas idem dip söyläde.

çınbarlıq şul ki xalıqara cämäğätçelek xökümät yağında. Yevropa Berlege, Yevropa Şurası häm AQŞları konstitutsiägä kerteläçäk üzgäreşlärne xuplap çıqtı, çönki alar bu turında xakimiätlär belän ozaqqa suzılğan söyläşülär alıp bardı. Älegä käğäzdäge bu üzgäreşlär raslansa prezidentnıñ başqarma xakimiäteneñ ber öleşe parlament häm xökümätkä küçäçäk. Bu üzgäreşlär yustitsiäne nığıtaçaq keşe xoquqlarına xörmätne artıraçaq häm diasporada yäşäwçe ärmännärgä Ärmänstan pasportın alu mömkinçelegen biräçäk. Xätta ütkän atnada Yevropa Şurasınıñ parlamentar assambleyası prezidentı Rene van der Linden ärmän opozitsiäsen referendumğa qatnaşırğa çaqırğan ide.Opozitsiä isä prezident Koçarian konstitutsiä tözältmäläre öçen tırışa çönki alar anıñ 2008 dä möddäte tulğaç ta xakimiättä qaluın garantiäli digän qaraşta färidä xämit
XS
SM
MD
LG