Düşämbe könne Awropa illäreneñ zakon çığaruçıları İtaliäneñ Florensiä şähärendä töbäk demokratiäse turında söyläşergä cıyınğannar. Älege xalıqara seminarda Tatarstan parlamentı spikerı Färit Möxämmätşin da qatnaştı. Seminar Awropa Töbäk zakon çığaru Cıyınnarı Konferensiäse qanatı astında uzdı.
Şuşı uq könne Tatarstannıñ mädäniät ministrı, vitse-premyer Zilä Wälieva Mäskäwdä Federal'' matbuğat häm massaküläm kommunikatsiälär agentlığı kollegiäsendä qatnaştı. Kollegiä Elektron mäğlümat çaralarınıñ ähämiätenä bağışlanğan ide. Zilä Wälieva Qazannıñ 1000 yıllığı bäyrämeneñ äzerlek eşendä qatnaşqan Rusiä prezidentı kiñäşçese Mixail Lesinğa, Matbuğat häm ğammäwi kommunikatsiälär federal'' agentlığı citäkçelärenä “Qazannıñ 1000 yıllığı istälege” medalen tapşırdı.
İtaliädän, Mäskäwdän Qazanğa äylänep qaytsaq, Tatarstan prezidentı Mintimer Şäymiev Sloveniä Respublikasınıñ Rusiädäge Wäqälätle Wäkile Andrey Benedeyçiç belän oçraştı. Ğädättägeçä eşlekle söyläşü aqça kiterä torğan ölkälär turında bardı. Ul da bulsa ike respublika arasında yağulıq- energetiqa kompleksı, elemtä çaralarında xezmättäşlekne üsterü ide. Ä bu waqıtta Qazan başlığı İlsur Metşin sotsial'' yunäleştäge qararlar qabul itte. Ul qararlar invalidlar könenä äzerlek başlaw turında. Moña qädär küp balalı ğailälärneñ 2004 yılnıñ dürtençe kvartalı öçen toraq-kommunal'' çığımnarı qaplanmağan bulğan. Mer İlsur Metşin älege çığımnarnı qaplar öçen 1 million sum külämendä aqça bireläçägen wäğdäläde. Şulay uq az keremle ğailägä birelä torğan subsidiälär buyınça burıçnı qaplaw öçen aqça birergä ışandırdı. Ä bu aqçalar qayan kilä soñ disägez, anı Xalıqara üseş häm rekonstruksiä bankı birä, ä Qazan başlığı bülä.
Mäskäwdä “Rodina” häm “SPS” firqäläre qapma-qarşı çığışlar belän utkärelgän aksiälärgä qarata Tatarstanda reaksiä belderälär. Rusiä başqalasında demokratlar faşizmğa qarşı piket uzdırğan bulsa. “Qanunsız migrantlarğa qarşı oyışma” “Rodina” firqäse belän berlektä, ul''tra radikal taläplär belän çara uzdırğan. “Bez” “Mı” digän respublika ictimaği yäşlär xäräkäte, millätara duslıq yaqlı bez dip, Mäskäwdäge waqiğalarğa qarata qarşılıq belgertä. Äflisun inqilablarına qarşı torır öçen oyıştırılğan älege xäräkät, bügenge könneñ iñ zur bäläse itep, millätara nizağlarnıñ kilep çığuın kürä.
“Bez” ictimaği yäşlär xäräkäte aktivistları studentlar. Alar millätara duslıq oyıştırırğa mataşalar. Ä bu waqıtta başqa şayan telle tatar studentları 30 noyäberdä “Qazan” milli-mädäni üzägendä uzaçaq tatar KVN ligasınıñ Qazan zonası buyınça çirekfinal uyınnarına äzerlänälär. Bötendönya tatar kongressı Başqarma komitetı xäbär itkänçä, bäyrämneñ kürkäm qunağı – yuğarı ligada uynawçı Yar Çallı şähäre tatar studentlarınıñ cıyılma komandası “Tatar sindromı” başqala tamaşaçısın şayan çığışları belän söyenderäçäk. Belgänebezçä, ayıruça güzäl zatlarıbız - änilär bu könnärdä üzlärenä qarata cılı möğalämäne sizgännärder. Çönki Rusiä buyınça “Analar köne”bilgeläp ütelde. Tatarstanda, Qazanda da änilärne bäyrämnäre belän qotlaw däwam itä. Rusiädä Analar köne berençe tapqır sigez yıl elek bilgeläp ütelä. Yılnıñ här köne nindider hönärgä, isem, cisemgä bäyläp bilgeläp ütelgän waqıtta, nihayät, maxsus Analar köne barlıqqa kilü zur ömetlär dä tudırğan ide.
Bu yal könnärendä Qazanğa Rusiäneñ sälämätlek saqlaw häm sotsial'' üseş ministrı Mixail Zurabov kilep kitte. Ul üzeneñ jurnalistlar aldında yasağan çığışında yaqındağı öç yılda Tatarstan 1 milliard dollar sumlıq meditsina cihazı alaçaq dip belderde. Şulay uq ul “Min respublika sälämätlek saqlaw ölkäsendä milli proyektlarnı çınğa aşıra başlaw eşläre belän qänäğät”, - dip tä beldergän.
Röstäm İsxaqi
Şuşı uq könne Tatarstannıñ mädäniät ministrı, vitse-premyer Zilä Wälieva Mäskäwdä Federal'' matbuğat häm massaküläm kommunikatsiälär agentlığı kollegiäsendä qatnaştı. Kollegiä Elektron mäğlümat çaralarınıñ ähämiätenä bağışlanğan ide. Zilä Wälieva Qazannıñ 1000 yıllığı bäyrämeneñ äzerlek eşendä qatnaşqan Rusiä prezidentı kiñäşçese Mixail Lesinğa, Matbuğat häm ğammäwi kommunikatsiälär federal'' agentlığı citäkçelärenä “Qazannıñ 1000 yıllığı istälege” medalen tapşırdı.
İtaliädän, Mäskäwdän Qazanğa äylänep qaytsaq, Tatarstan prezidentı Mintimer Şäymiev Sloveniä Respublikasınıñ Rusiädäge Wäqälätle Wäkile Andrey Benedeyçiç belän oçraştı. Ğädättägeçä eşlekle söyläşü aqça kiterä torğan ölkälär turında bardı. Ul da bulsa ike respublika arasında yağulıq- energetiqa kompleksı, elemtä çaralarında xezmättäşlekne üsterü ide. Ä bu waqıtta Qazan başlığı İlsur Metşin sotsial'' yunäleştäge qararlar qabul itte. Ul qararlar invalidlar könenä äzerlek başlaw turında. Moña qädär küp balalı ğailälärneñ 2004 yılnıñ dürtençe kvartalı öçen toraq-kommunal'' çığımnarı qaplanmağan bulğan. Mer İlsur Metşin älege çığımnarnı qaplar öçen 1 million sum külämendä aqça bireläçägen wäğdäläde. Şulay uq az keremle ğailägä birelä torğan subsidiälär buyınça burıçnı qaplaw öçen aqça birergä ışandırdı. Ä bu aqçalar qayan kilä soñ disägez, anı Xalıqara üseş häm rekonstruksiä bankı birä, ä Qazan başlığı bülä.
Mäskäwdä “Rodina” häm “SPS” firqäläre qapma-qarşı çığışlar belän utkärelgän aksiälärgä qarata Tatarstanda reaksiä belderälär. Rusiä başqalasında demokratlar faşizmğa qarşı piket uzdırğan bulsa. “Qanunsız migrantlarğa qarşı oyışma” “Rodina” firqäse belän berlektä, ul''tra radikal taläplär belän çara uzdırğan. “Bez” “Mı” digän respublika ictimaği yäşlär xäräkäte, millätara duslıq yaqlı bez dip, Mäskäwdäge waqiğalarğa qarata qarşılıq belgertä. Äflisun inqilablarına qarşı torır öçen oyıştırılğan älege xäräkät, bügenge könneñ iñ zur bäläse itep, millätara nizağlarnıñ kilep çığuın kürä.
“Bez” ictimaği yäşlär xäräkäte aktivistları studentlar. Alar millätara duslıq oyıştırırğa mataşalar. Ä bu waqıtta başqa şayan telle tatar studentları 30 noyäberdä “Qazan” milli-mädäni üzägendä uzaçaq tatar KVN ligasınıñ Qazan zonası buyınça çirekfinal uyınnarına äzerlänälär. Bötendönya tatar kongressı Başqarma komitetı xäbär itkänçä, bäyrämneñ kürkäm qunağı – yuğarı ligada uynawçı Yar Çallı şähäre tatar studentlarınıñ cıyılma komandası “Tatar sindromı” başqala tamaşaçısın şayan çığışları belän söyenderäçäk. Belgänebezçä, ayıruça güzäl zatlarıbız - änilär bu könnärdä üzlärenä qarata cılı möğalämäne sizgännärder. Çönki Rusiä buyınça “Analar köne”bilgeläp ütelde. Tatarstanda, Qazanda da änilärne bäyrämnäre belän qotlaw däwam itä. Rusiädä Analar köne berençe tapqır sigez yıl elek bilgeläp ütelä. Yılnıñ här köne nindider hönärgä, isem, cisemgä bäyläp bilgeläp ütelgän waqıtta, nihayät, maxsus Analar köne barlıqqa kilü zur ömetlär dä tudırğan ide.
Bu yal könnärendä Qazanğa Rusiäneñ sälämätlek saqlaw häm sotsial'' üseş ministrı Mixail Zurabov kilep kitte. Ul üzeneñ jurnalistlar aldında yasağan çığışında yaqındağı öç yılda Tatarstan 1 milliard dollar sumlıq meditsina cihazı alaçaq dip belderde. Şulay uq ul “Min respublika sälämätlek saqlaw ölkäsendä milli proyektlarnı çınğa aşıra başlaw eşläre belän qänäğät”, - dip tä beldergän.
Röstäm İsxaqi
