Accessibility links

шимбә, 3 декабрь 2016, Казан вакыты 16:53

Saddam mäxkämäsendä yänä tänäfes


Bağdad -- 40 kön tänäfestän soñ bügen Bağdadta Ğiraqnıñ elekke citäkçese Saddam Xösäyen östennän mäxkämä eşe yañartıldı. Üzenä süz birelgäç, Saddam, lift eşlämi digän sıltaw belän, çit il politsiäse mine qandallarda kileş, basqıçtan cäyäw menderä, dip zarlandı. Mäxkämädä räislek itkän Rizgar Möxämmät Ämin, bu turıda politsiägä äytermen digäç, Saddam – sez äytergä tügel, färman birergä tieş, dide: "Sez möstäqil, Ğiraqlı, alar – kilmeşäklär, basıp aluçılar. Sez alarğa färman birergä tieş", dide elekke Ğiraq citäkçese. Ber säğät çaması barğan utırıştan soñ, mäxkämädä Dikäberneñ 5nä qädär tänäfes iğlan itelde. Mäxkämä räise Saddamnıñ ike advokatı urınına almaş elzäwgä waqıt birde. Advokatnıñ berse üterelde, ikençese – cäräxätlär alıp, ildän kitkän ide. Saddam häm anıñ 7 tarafdarı 1982 yılda Dujail qalasında 140tan artıq şiğine üterüdä ğäyeplänä. Ğäyeplänüçelär barısı da ğäyepläwlärne kire qağa. Ul arada Ğiraq räsmiläre mäxkämä räisen üterü niäte belän süz berläştergän 8 sönnineñ qulğa alınuı turında xäbär itte.

XS
SM
MD
LG